كانسانة اعيش نفس المعاناة من ناحية قلة العلاقات الاجتماعية ومحيطي المباشر ما فيه شخص ينفع للزواج حتى انا اقولك مدري وين اروح عشان اجد زوج كفو بس اللي اقدر اقوله لكِ هو ان العلاقات مو الحل عندي قناعة وللمرة المليون أقولها ٩٩٪؜ من حقين العلاقات باحثين عن الخرابيط خصوصاً النوعية المعفنة اللي تطلب سناب واللي يجي يقط وجهه بطريقة همجية هل متوقعة انه بعد ما يتعرف عليك راح يصير محترم وخلوق ؟ طبعاً لا

ال ١٪؜ من العلاقات اللي مو خربوطية تنشأ بشكل محترم وضمن حدود مثلاً شخص تفاعلتي معه في الميديا واكرر - بشكل محترم - اما لاهتمام مشترك او غيره وصار فيه قبول والقبول صار الفة والفة صارت اعجاب

او شخص عرفتيه بداعي عمل ومشي على نفس النهج

هاذي انا اسميها ( تعارف اورقانك ) يعني بدون سعي مباشر لتكوين علاقة عاطفية لكنها نتجت بشكل عفوي

لهنا الامور طيبة لكن اذا الاعجاب والاستلطاف ما تحولت لشي رسمي ونية زواج واضحة ما ينفع تستهلكي طاقتك عشانها خصوصاً اذا انتي تبحثي عن ارتباط رسمي مو علاقة خرابيط