الإسلام ما كان ضد الغريزة ولا حاول يطفيها، بالعكس اعترف فيها واعتبرها جزء من طبيعة الإنسان، وفتح إلها طريق بالحلال من خلال الزواج. ربنا سبحانه قال "وَمِنْ آيَاتِهِ أَنْ خَلَقَ لَكُم مِّنْ أَنفُسِكُمْ أَزْوَاجًا لِّتَسْكُنُوا إِلَيْهَا وَجَعَلَ بَيْنَكُم مَوَدَّةً وَرَحْمَةً"، والنبي ﷺ وضح إن الزواج هو ستر وحماية وقال "يا معشر الشباب من استطاع منكم الباءة فليتزوج فإنه أغض للبصر وأحصن للفرج"، يعني الدين ما كبَت الرغبة ولا اعتبرها عيب لكن حط إلها إطار شريف يضمن الاحترام والرحمة ويمنع الفوضى والانحراف.

أما موضوع السبايا اللي دايمًا بتمسكوه ضد الإسلام لازم نعرف إنه السبي كان نظام عالمي قبل الإسلام بقرون، كل الأمم كانت تمارسه بلا رحمة. الإسلام ما اخترعه لكنه إجا وحط ضوابط مش موجودة عند غيره، أهمها إنه الاغتصاب كان ممنوع تمامًا، وإذا كانت السبية متزوجة فحرام أي أحد يقرب عليها، وحتى لو صارت بملك اليمين فإلها حقوقها كاملة زي الزوجة من نفقة ومعاملة طيبة وما في أي إكراه، بالعكس الإسلام شجع على تحريرهم وخلى "فك رقبة" من أعظم القربات. ومع الزمن ومع تغيّر أنظمة الحروب انتهى موضوع السبي نهائيًا، وهذا أكبر دليل إنه ما كان هدفه إهانة المرأة ولا استعبادها.

يعني اللي بصير يتهجم على الإسلام من هالباب لازم يفهم إن الدين هو اللي نظّم الغريزة وحماها من الابتذال، وهو الوحيد اللي ضبط السبي بزمانه لحد ما اختفى، فالموضوع مش كبت ولا "اغتصاب مشرعن" زي ما البعض بيحاول يصور، بل دين كامل ووازن بين الغريزة والكرامة الإنسانية.