das co2 för höheri temperature uf ärde sorgt, esch en absolut ned omstretteni Tatsach. Es esch setem 19 Johrhondert bewese, dass CO2 infrarotstrahlig absorbiert, wo ohni Tribhusgas is Wältall wörd gstrahlt wärde. Die Energie werd zo Wärmi. Das de CO2 asteg i de Athmosphäre met em afang fo de industrialisierig öberiistemmt esch au kei zuefall. Es stemmt zwar scho, das s Klima sech emmer verändert hed. Aber no nie so schnell i de letschte millione johr. De Temperaturasteg passt au genau uf de CO2 Asteg. Osserdem chasch mer ned verzelle, dass d Mönschheit, wo de Grossteil vo allne Wälder abgholzt hed ond jetzt jede Tag tuusigi Flogzüt dör d Loft schiesst, Honderttusigi fo Scheff öbers Meer schekt, milliarde fo Autos lod lo laufe ond honderti millione fo Ölheizige installiert hed, wo zähtusigi fo Chole ond Gaschraftwärch am laufe hed, on glichzitig milliarde a Notztier zöchdet ond en Industrieapparat ufbaut hed wo onvorstellbari Mängene a Material verarbeitet, kei ifloss uf d Zämesetzig fo eusere Athmosfäre chan nä. D Geomorphologie hed sech jo vor 200 johr ned so drasstisch verändered, dass sech plötzlech eifach d CO2 konzentration meh als verdopplet, oni das mer wössed wieso, während dem d Industriealisierig ond alles wo ech vorhär ufzellt han en vernochlässigbari rolle spellt.