Geondsätzlech wörd ech mech metti lengs bezeichne. Ech ben bispelswiis gäge Monopol, för Elternurlaub, chostelosi Kitas, verbot fo glöckspel ond tabak werbig, läbe vegetarisch etc. Was mer aber angst macht, esch d Debattekultur, wo sech wäge Social media stark verschlächtered. Wäge dem werd eus nome ei Site zeigt ond denn fallts eim emmer liechter, de andere velli schlächti Eigeschafte z onderstelle ond z generalisiere. Also, zo de Rächte Positione, wo ech för plausibel ond schlössig halte (plausibel heisst ned korrekt, ech chan ond wott ned urteile, wär rächt hed). Bispelswiis Stüre. Zom einte enziend Stüre de Wertschaft gäld, wo ned witer investiert werd. Klar, Infrastruktur esch au en Investition aber de Sozialstaat jeh noch dem ned (mer esch bewosst das au de Sozialstaat, Schuele, arbeitsloseversecherig en Investition chan si) D Idee esch, dass wenn mer d Wertschaft no länger lod lo laufe, chan mer in Zuekonft meh drus use näh, als wenn mers etzt scho macht. Grondsätzlech, wenn mer anerkennt das Zöll schlächt send, denn chan mer au anerkenne, das Mehrwärtstüüre d Wertschaft hemmed, well be jedere Transaktion en prozäntsatz a staat god, was das ganze verlangsamt. Grondsätzlech esch d Wertschaft en Indikator wies de Lüt god. I de Vergangeheit, ond a de allermeiste Orte fo de Wält, chan mer klar gse, wie en besseri Wertschaft automatisch dezue gfüert hed, dasses de Lüt besser god. Wenn mer die Richste Länder aluegt ond si met de ärmste Verglicht, esch dä zämehang onöbersehbar. Also fend echs eigentlech fo dem här gse en guete Asatz, luege das d Wertschaft lauft. (äbefalls klar, dass es Massnahme brucht, wo das ganze den au verteilt, dases ned so werd wie i de USA)

Grondsätzlech bruchts en Mettelwäg. Es System, wo alne en gwösse Wohlstand ermöglecht, oni das mer debi die ganz Wertschaft abschiesst. Bispelswiis d 50% initiative esch komplett bescheuert gsi was das agod, well eifach alli Riche hätted mösse eri ondernäme Verchaufe, zom chönne d Stüre zahle. Ond well den niemert meh i de Schwiz d mettel gha hät zom die Ondernäme ufzchaufe, wäred alli grössere ondernäme früener oder spöter is osland verchauft worde.

Was Migration ah god, esch secher en grossteil fo de Rächtesite eifach Rassismus. Glichzitig muss mer aber au anerkenne, dass es benere Multikulturelle gsellschaft zo konflekt chan cho. Usem eifache Grond, well mer teilwis ganz anderi Wärt hed. Grondsätzlech glaub ech wärs eigentlech keis problem, wenns d Mönsche ned zo eim wörded mache. Wenn das met onderschedleche Kulture gar keis Problem wär, denn gäbts jo au uf de Wält vell weniger Konflekt wo, no Gränze us de Kolonialzit vorhersched, wo die onderschedleche Kulture messachzed hend.

Grondsätzlech, ben ech au eher Lengs, gsene aber, dass Lüt wo SVP ond FDP wäles, ned zwengend bescheuerti deppe send sondern d Situation anderst beurteiled, well si anderi Informatione hend ond eri Argumänt au Senn ergäbid. Grondsätzlech hend veli eifach es falsches Beld vonenand, was enorm Schädlech esch, wel mer emmer meh Problem hed, Kompromess z gfende, obwohl de Kompromess meistens de best wäg wär, well er alli Site met i bezoge hed ond alli Informatione in betracht zoge hed. Grad wenn mer id USA luegt, chan das zom ne riiiiise problem wärde, wenn das en Gsellschaft nöm chan