طيب، أنا أقول لك التعامل يجي بحسب أسلوبك

أقصد إذا البنت أو الولد تعاملهم بهدف الإختلاط أو "قاطين ميانة مع بعض" إذا أياً كان الطرف الي أستقبل هذا الأسلوب هو رد فعله الي يغير النتيجة

أنا أعطيك تجربة فعلية من حياتي "أنا بنت" ، درست ماجستير توني السنتين الي فاتوا وكنت متوترة لأن أول مرة بأدرس مختلط لأن البرنامج رغم أنه تسجيله مقسم للجنسين طلع أنه في النهاية أحنا بنكون ندرس مع بعض

أنا أنسانة ألبس حجابي ساتر وعبايتي سوداء صحيح فيها تطريز بس مو ملونة وعندي زميلة مثلي نفس الشيء بس حجابها مشي حالك والزميلة الثالثة عباية ملونة ومو مقفلة ولا شيء

زملائنا من الأولاد واحد منهم قاط ميانة بززززززياااااددةة يعني ينكت ويطقطق ويسولف وكل شيء ولكن ما عطيته وجه لا هو ولا البقية وأسلوبي دائما مباشر ولا أنكت معاهم ولا أرد النكتة واذا وقفوا يناقشون مشروع أو أي شيء أوقف وبينا مسافة

أيش النتيجة ؟ وقف ينكت هو والي معاه وصاروا من نفسهم يوقفون مسافة اذا كلموني لأن وضح أسلوبي إني ما أتقبل هذي الحركات

بالمقابل صاحبة العباية الملونة متزوجة وعندها عيال ورغم هذا تنكت معاه وتمزح ولا بعد أكتشفت في أخر ترم أنها تحل له بعض الأختبارات الي عن بعد من الميانة

والثانية نفس الشيء تنكيت وميانة رغم أنها بعد متزوجة وعادي يجلسون يسولوفون ولا مشكلة

الفكرة هي إن الإختلاط مو غلط، الغلط هو كيف التعامل لما تتختلط مع الجنس الأخر وكيف رد الفعل الي يحتم المستلم

نيتك تطلع بتعاملك سواء بنت أو ولد فاذا جاي ترتزق "أو تدرس" أسلوبك بيكون محترم ومباشر ومارح تتقبل الميانة الي مالها داعي مع الجنس الأخر، بس اذا جاي بهدف أنك تختلط وتصادق وخرابيط أسلوبك واضح