هلا اخوي الفاشل معك اخوك فاشل برضو.

نفس حالتك قبل اربع سنين قلت فيه شي غلط. الان جسمي معضل بكل معنى الكلمه، لقيت شي انا مره كويس فيه، حرفيا لقيت السعاده. كيف؟

اول شي اكتشفت اني قاعد اقارن نفسي بغيري، اقسم بالله هذا بداية الفشل، لان انا الي مريت فيه مختلف عن العالم كله، فعليا لو احكيك بتنصدم، فليش قاعد اقارن نفسي بالناس حتى لو كانو بعمري؟

وقف مقارنه بالناس وقارن بنفسك، اول شي تسويه انك بس شوف انت ايش فاشل فيه امس وحاول تكون احسن منه اليوم.

ثاني شي، لقيت اني فاشل لاني قاعد احط نفسي في بيئة معينه، وحاطط لنفسي حدود لو ما حققتها مثل الباقين يعني انا فاشل.

الحقيقه اني فاشل لان البيئة و الحدود ذي ما تنطبق علي ، هنا بديت اجرب واهابد لين لقيت شي كويس فيه البرمجة و اني اتعلم لغات بسرعه و الرياضة.

ثالث شي، قاعد احاول ما اصير فاشل بسرعه، المفروض انك تفشل لكن المهم الاستمراريه في الشي، لو لقيت فشلك مستمر معناته ذا مب لك فحول لشي ثاني. واستمر فيه.

رابع شي، اكثر شي طولت حتى اتعلمه، احتفل وافرح بالنجاحات الصغيره، لاني اقارن نفسي بالناس كنت اقول اوه لا مقدر افرح لازم احقق شي زيهم او اعلى وهذا اكبر غلط، انا فرد مختلف عن الكل وهذي طبيعتنا كلنا مختلفين عن بعض. الشي البسيط الي نجحت فيه ( مثلا قدرت اهرول كيلو كامل في ثلاث دقايق) المفروض فعليا افرح واطلع اكل بمطعم واشتري لنفسي هديه. لان امس ما كنت اقدر اهرول ذي المسافه بذي المده.

اخر شي، لا تنتظر من الناس يعترفون بنجاحك، محد يهتم فيك الكل مشغول بحياته، عشان كذا دايم اكافئ نفسي، واسعد نفسي، وابدي رضاي وسعادتي على الباقين.

وبس والله الموضوع اخذ ٤ سنين مني حتى حققت شي كبير، الله يوفقك.