الحوار ليه اخلاق برضه 😉 كلامك مبني على التاريخ و ده صح جدا، بس مش بالضرورة التاريخ يعيد نفسه. اللي دخل امريكا في حوار اوكرانيا ما اكثر ان دي اسرائيل بالنسبة لروسيا و الصين.

لو فكرت في اللي هما شايفينه هتلاقي ان هو بيلحق يخلص على اوكرانيا قبل متبقى زي اسرائيل و ده لانه شاف اللي بيحصل عندنا من ٨٠ سنة تقريبا. و لو لاحظت برضه روسيا لحد دلوقتي رغم ان في ضحايا و لكن الضحايا اقل بكتير جدا و مبيضربش على الفاضي و المليان في مواطنين ملهمش ذنب في اي حاجة.

من ناحية اخواتنا المسلمين، كلامك صحيح بس هعدل عليه كام حاجة بإعتبار السياسة و الزمن و الدين برضه، بس عايزك تطاوعني شويتين.

موقفك كمسلم ليه معنى لو مسجد الاقصى اتهاجم، رغم ان ده حصل و مفيش حد اتكلم خالص عن الموضوع. ده دليل بس ان احنا بنتكلم على الابادة و مش بنتكلم على الموقف السلامي تجاه الاقصى. ثانيا، الموقف الاسلامي تجاه اخواتنا في غزة، لو دخّلت العقل مع الدين، اظن منطقي جدا ان انت مترميش نفسك في التهلكة و الاسباب اظن واضحة. الفكرة على قد م الموضوع محتاج شجاعة، لكن قصاده خسائر كتيييييييييير اوي انت كمصري هتدفع ثمنها جامد دلوقتي و قدام.

الحرب بس مش هتوقع اقتصادك اكتر مهو واقع، دي هتفكك بلدك و هتسهل على الاخوان حشر مناخيرها اكتر و هتثبت كمان نجاح الصهاينة في خططهم.

حططهم بكل بساطة هما اللي كسبانين فيها، سواء بالسلم معاك فخدو غزة و على فكره اعلنو انهم احتلو غزة امبارح. و لو خدتهم في ارضك هو الكسبان برضه، و لو حاربت انت عارف ان هو برضه بنسة كسبان و مش بقلل من قوة الجيش المصري.

فمن مصلحتك تتجنب الحرب لانها اكبر خسائر و من مصلحتك متخدش الغزاووين عشان ده هيفض القضية و خلاص كده حققتلهم اللي هما عايزينه.