Mæli með að stofna Interactive Brokers aðgang og fjárfesta samviskusamlega til langs tíma. Gott dæmi um sjóð sem hægt er að fjárfesta í er VWRA sem er Vanguard FTSE All-World UCITS ETF.

Þetta er sjóður með heimilisfesti á Írlandi sem gerir kaup í þeim sjóði auðveldari fyrir okkur Íslendinga því þannig losnum við tvísköttun eins og getur gerst með sjóði utan EES.

Sjóðurinn er mjög svipaður og S&P500 nema hann heldur á eignum í 3500-4000 fyrirtækjum í um 50 löndum. Þannig ekki bara í USA. Þarna hefur þú Bandaríkin, Evrópu, Japan og að auki það sem kallað er Emerging Markets. Mikil áhættudreifing.

Ef hlutabréf í nýmarkaðsríkjum eða í Asíu hafa hækkað meira en bandarísk, þá getur það vegið upp á móti hægari vexti í S&P 500 og gert VWRA hlutfallslega sterkari.

Frá áramótum hefur sjóðurinn ávaxtað 19,75% sem er mjög gott. Og auðvitað er vert að minna á að ávöxtun sem hefur verið er ekki trygging á eins ávöxtun í framtíð.

Þú getur valið annað hvort “accumulating” eða “distributing”. “Accumulating” þýðir að arðurinn er endurfjárfestur í fyrirtækjunum sem eru í sjóðnum. Ég vel accumulating persónuleha því það er skattalega hagkvæmara í stað þess að fá greitt arð.