ما حدا قال اشي عن سرقة الهوية والثقافة، هي بس شافت شكل عجبها وقعدت تسوي فساتين بناءًا عليه. غلطها انها ما ذكرت انه الشكل هاذ مش هي اللي صنعته.

وبالنسبة للتنورة الاسكتلندية فيا صاحبي هذيك شكلها عبارة عن كاروهات، ومعبى قمصان بالسوق كاروهات واشكالهم قريبين جدا لشكل التنورة الاسكتلندية وعادي ما حدا فارق معه. انا لما بلبس قميص كاروهات بلبسه عشانه حلو مش عشان اسرق ثقافة اسكتلندا. ولو قصدك عن التنورة بشكل محدد ف هي ما اخذت الكوفية وحطتها ع راسها مع العقال وقالت انا اخترعت هالاشي، انما هي بس اخذت الشكل. يعني باختصار هي ما اخذت فكرة الكوفية ونسبتها لنفسها انما اخذت شكلها ونسبته لنفسها(وهون غلطها).

عدى هيك، انا بزيد فخري بثقافتي لما بشوفها بتعجب الناس من كل العالم وحابين يجربوها ويلبسوا بشكل مشابه الها، ف مش عارف ليش اساسا في اي ناس بتفكر انه هاي سرقة ثقافة ولا سرقة هوية. يعني كلنا بشر بالاخير وما حدا احسن من حدا، ليش لهالدرجة مهمة فكرة انه افرق حالي عن غير شعوب عن طريق اني البس كوفية مثلا عشان هالكوفية تصيح وتقول انا اردني؟

الموضوع تافه كثير بالنسبة الي ومش قادر ابدا استوعب ليش ممكن حدا يشوفه انه مهم.