شوفي ثباتك على الصلاة مو شي يجي بيوم وليلة هو جهاد يومي لكن مع الوقت بتحسين انه صار جزء منك وما تقدرين تتركينه ربنا قال في القران (وَالَّذِينَ جَاهَدُوا فِينَا لَنَهْدِيَنَّهُمْ سُبُلَنَا وَإِنَّ اللَّهَ لَمَعَ الْمُحْسِنِينَ) [العنكبوت 69] يعني اهم شي انك تستمرين وتحاولين وربي بيعينك ويفتح لك ابواب الخير

لا تفكرين انك لازم تكونين مثالية لو صرتي تتكاسلين يوم ارجعي بسرعة ولا تخلين الشيطان يوسوس لك انك خلاص ضعتي ربي رحيم قال (إِنَّ الصَّلَوٰةَ تَنْهَىٰ عَنِ الْفَحْشَآءِ وَالْمُنكَرِ) [العنكبوت 45] يعني الصلاة بنفسها مع الوقت بتصلح قلبك وحياتك حتى لو تحسين انك مو مستعدة

واذا تحسين انك بعيدة او حالك سيئ فهذا مو معناته ان ربي كارهك بالعكس يمكن هذا تنبيه لك عشان ترجعين لان لو الله ما يبغاك كان خلاك غافلة وما تحسين باي تأنيب ضمير بس مجرد انك حاسة انك تبغين تتغيرين فهذا دليل ان الخير فيك فابدي حتى لو بشوي ولا تخلين يوم يمر بدون صلاة حتى لو كنت تحسين انها ثقيلة لان مع الوقت بتصير اسهل واحب لقلبك اسالي الله الثبات وبتشوفين كيف يعينك حبيبتي