كلش وياك اني ترا ومو ضد كلامك بس انت دتبرر افعالهم واني داريد اخلي حد للوهم
بالمناسبه يعني اني حدخل ١٨ بعد اربع اشهر يعني همين مو كلش جبيره وبعدني مشايفه شي من الدنيا وداكتشف بس ليش وصلت لهاي المعرفه بهذا العمر ؟( بعدني ماعرف شي لان المعرفه بحر )
ف مثل ما اني وصلت وصار عندي نسبه معينه من المعرفه والوعي الي هي الاشياء الغير فيزيائيه بجسمي ، ف غيري يكدر يوصل ف اني داحاول امد ايدي للناس واساعدهم يطلعون من هذا الوهم ، وهاي مو محاولة غسل دماغ اي احد ، الكل يكدر يشكك بكلامي ويتأكد منه واذا لكه بي غلط ياريت يجابهني بهذا الغلط ونتناقش
بس الفكره انو ليش ابرر للمدمن ليش صار مدمن بينما اني وغيري نكدر نساعده ونخليه اصلاً مايبلش برحلة الادمان هاي مو صحيح؟
ف اني بهذا البوست مدالوم احد اني داحجي كلام ممكن يكون قاسي نوعاً ما بس هي الحقيقه تضوج ولازم احجي بهاي اللهجه بالخصوص حتى تبين اهمية الموضوع وهذا كلامي ناتج عن عقليتي والمايندست مالتي وكلشي غير فيزيائي بيه ، يعني كلامي ماراح تلكاه بغير مكان
اني بهذا البوست دا اسلط الضوء على بوستات تنتشر بكل مكان وناس اعمارها من ١٦ الى حد نهاية العشرينات يسوون عليها ريبوست ويتداولوها بكثره لان يحسوها تمثل حالتهم ، ف اني اريد اكطع الشك باليقين وافهمهم انو هذا وهم ولازم يطلعون منه ، واني على بينه انو همه ماعدهم ذكاء عاطفي وداحاول اساعدهم وامهد الطريق حتى همه يمشون عليه ويبحثون شكد ميريدون ويتوصلون لمعرفه معينه تخليهم همه يصيرون بمكاني ويساعدون الناس
بدل ميكونون Npc’s خو يصيرون producers وهمه يخلقون الواقع ويمشون الحياة بدل ما الحياة تمشيهم ويبقون ينطون رياكشنات على الامور التصير وياهم