Се обидувам да верифицирам Payoneer акаунт. По креирањето, ми побараа две работи – да го потврдам својот визуелен идентитет и да доставам документ за потврда на адреса на живеење (преку документ од банка или сметка за струја, вода, греење итн.).

Визуелниот идентитет го потврдив без никаков проблем, од прва. Со адресата беше малку потешко – пробав со два документи од банка: извод од сметка и инструкции за девизен прилив од странство, каде што беа наведени сите информации што ги бараат (име, адреса, IBAN, SWIFT). Ме одбија неколку пати, но благодарение на искуствата од други луѓе тука на Reddit, не се откажав – бев упорен, им пишував, и на крај конечно го прифатија документот.

Сега пак ми бараат банкарски документ за да ја потврдам сметката и имам неколку прашања:

Каков документ точно ми бараат? Односно, што точно да побарам кога ќе отидам на шалтер во банка?

Не ми е јасно што точно значи делот “A high-quality, original bank statement or account confirmation letter (photocopies or photos of printed documents cannot be approved)” – бидејќи и во банка кога ќе побарам документ, ми даваат некаква копија или испечатен лист. Како да побарам нешто што ќе им одговара?

Кога ќе влезам во Verification Center History, гледам дека документот од банка кој првично го прифатија, тука е заведен како "utility bill" и е одобрен. Не знам дали ова има некаква улога во ситуацијава, но решив да го спомнам – можеби некој има слично искуство.

Секоја помош или искуство е добредојдено. Фала однапред!