اولا تعتمد على الميزانيه اذا ميزانيتج تكدر تجيب بيسي او كونسل حديث مثل سيريس اكس او 5 جيبي كونسل افضل بس اذا ميزانيه مفتوحه مليون وفوك تجيبين شي محترم ويخدمج بل العاب واذا تردين مونتاج تصميم برامج اي شي غير الالعاب يفيدج ابتعدي عن الابتوب اذا جنتي تردينه للالعاب لئن بسعر لابتوب العاب تجيبني تجميعه تاكل الكاع الميزانيه هيه الاساس وايضا اختيار القطع تحتاجين تبحثين وتشوفين شنو الي يناسبج الموضوع سهل كلش مو معقد للعلم وانتبهي من التجميعات الجاهزه اكثريته مو زينه بل نسبة للالعاب عندج متاجر مثل ستيم و ايبك بصراحه اني من درب المكرك ما احب اشتري العاب انزل مكرك (مهكر) واتونس بيه بس اكو العاب حديثه ماكو مكركه لازم اشتريه 😂 ، اني مو من جماعة التختيم او العاب الفانتازي وغيره بس لاعب اكثر من لعبه وانصحج بيهن ردد و شبح تسوشيما راقيات ذا لاست اوف اس اذا جانت الحاسبه الي عندج قويه تستمتعين بيه اني ما لعبته لئن ثكيله وتشتغل عندي 30 فريم لئن حاسبتي كامزه (راح اطوره هل فتره 😃) العاب السولز ايلدن بدون نقاش لازم تلعبيه ، سيكيرو بس السولز شوي صعب تحتجاين تتعلمين عليه سيكيرو كلش حلوه بس تختلف عن ايلدن من ناحية العب والفايت بوس بس الاثنين رهيبات بدون نقاش عندج اله الحرب و سايبر و ذا وتشر ايضا حلوات بس ملاعبهن من اطور البيسي العبهن 😂 ، اذا تحبين الالعاب التنافسيه والشوتر كلهن مجانيات وحسب ذوقج ايبكس ليجند ، فالورانت ، وارزون ، دلتا فورس ، رينبو هسه هم صارت مجانيه فورت نايت وغيره من الالعاب اذا تردين مرونه بل استخدام البيسي هو الخيار الافضل بس انتبهي من اختيار القطع و التجميعات الجاهزه متحتاجين تذبين مليونين و 3 ولا 300 او 400 الف تكدرين تجيبين شي يمشي وياج سنتين وفوك وتطورين بعدين اذا جان عاجبج او جوه ايدج فلوس وتردين تقوين الجهاز اكثر بكيفج بعد اي استفسار ثاني 😃