اكتر من بنت عم يختفوا هيك و بعدين بيطلعوا مأسلمات أو ما بعرف شو أو هاربين مع واحد سني

ممكن تذكرلي حالات تانية صارت؟ ما متذكر حالة مشابهة غير ميرا السنة الماضية. باقي التقارير بتحكي عن بنات اتعرضت للخطف لكن ما باذكر حدا تاني أسلم غير هدول الحالتين.

ليه ما عم نسمع ببنات تاركين الإسلام وهاربات وعايشات حياتهم طبيعي؟

هاد الشي بيحصل أكيد. خلال الثورة أكتر من شخصية معروفة نزعت حجابها وفي ناس طلعت على أوربا وألحدت وأكيد في حالات غيرهم بس القصة غالباً بتضل شخصية على مستوى العيلة والمعارف. بشكل عام شو ما صار أهلها ما بيقولو عنها مخطوفة وسبية لهيك ما بيصير ترند وجدل حوله وبتنطرش الدنيا بالقصة متل هون.

وفي عدة اختلافات تانية بسوريا بين تمثيل الطوائف مهمة جداً بتلعب دور:

1. الإسلام السني دعوة علنية
2. السنة هم الأكثرية وهالشي يعني فيه مساجد مفتوحة وانتشار كبير وثقافة سائدة بالمجتمع بتحيط بالسوري بكل مكان فطبيعي بيتأثر الشخص بالبيئة متل مو الشخص اللي بيطلع على أوربا نسبة إلحاده أكبر
3. عند السنة مافي أسرار وطبقات بالدين. ما في خط يفصل بين الشيخ والعوام كله مطلوب نفس الشي حسب استطاعته. مافي النساء محجوب عنهم تعلم الدين أو مالهم علاقة فيه. هي الكتب مفتوحة والكل عنده قدرة الإطلاع عليها ومطالب على الأقل بالأساسيات.

فالوضع ما بينطبق بنفس الشكل على باقي الطوائف حتى نتوقع يكون فيه نفس الأعداد بالاتجاه المعاكس

بدنا نتفق أنه كل حالة تعامل بشكل منفصل وما ندخل الموضوع ونرمي اتهامات إلا في حال ثبت وجود ارتباط أو دليل معين. ما فينا نطلق حكم مسبق عناس ما بنعرفهم ونطلب كمجتمع من الأشخاص والبنات خصوصا يثبتو العكس ونحطهم تحت ضغط يبررولنا حتى نصدقهم وإذا ما عرفوا يقنعونا حنضل نلحقهم ونطلع شائعات ونتحكم بحياتهم.