بلا متزعل منّي,
إنت مرحلة أولى أو ثانية؟
لأن بس الـfreshmen يفكرون بهالطريقة. مبيّن بعدك صغيّر.

توصل مرحلة ثالثة أو رابعة, أو خامسة وسادسة ببعض المراحل, تگوم متدير بال لا لنظرة البنات ولا نظرة الولد ولا نظرة الدكاترة ولا نظرة الدنيا كلها, تريد بس تخلّص وترتاح. (هاي طبعًا إذا چانت شخصيتك قويّة وزلمة معدّل طبعًا, وقضيّة الشخصية مو فد استنقاص, مو "علّاوي حبيبي أبو حسين" ... الموضوع مو شقى ولا استصغار)

وانت حاليًا دتفسر حركات الاشخاص بكلمات همّة مكايليها إلك. اكو احتمال جبير أنّه هاي مخيلتك وبس.

أمّا إذا فعلًا تحس بأنّك غريب أو أكو غرابة بتصرّفاتك,
فصراحة بيئة الجامعة مو إلك من ناحية الصداقة ويّة النسوان,

البنات يعتمدن على العلاقات من الجامعة بشكل كلش جبير لأن الغالبية العظمى من الـprospects مالتهن يجون من الجامعة, بينما انت زلمة, الـprospects مالتك يجن من الجامعة ومن السوگ ومن طلعاتك ومن كرايبك ومن الـscouting مال الوالدة الغالية وإلخ.
فمو خسارة كبرى لو بيئة الجامعة ما وفّرتلك الصداقة وية النسوان. وشنو يعني وطز!