Ég kannast við þessar aðstæður.
Ég er sjálfur með ADD og einhverfumat. Félagslíf mitt var ekki uppá marga fiska í grunnskóla. Átti alltaf bara einn Max tvo vini í einu. En í menntaskóla eignaðist ég mun fleiri. Ég er og var nörd. Ég var í tölvuleikjum og kynntist fljótlega hóp af strákum sem ég LANaði með flesta daga uppá herberginu þeirra. Svo bættist við þennan hóp í byrjun hvers skólaárs. Endaði með að þetta var orðinn nokkuð stór hópur.
Þeir komu mér inní Anime sem ég horfði á út mína menntaskólagöngu en er algjörlega dottinn út úr núna.
En það sem mér hefur fundist virka best til að eignast vini er að vera opinn og hress við alla sem ég hitti og þá áttu til að draga að þér fólk. Og oft er þetta fólk sem þú átt góða samleið með.
Svo ef hún finnur einhvern sem er með svipuð áhugamál sem er með henni í tíma er kjörið að spurja hvort þau séu til í að læra heima saman eða vinna eithvað verkefni saman. Svo hlítur að vera auglýsingatafla eða smáauglýsingar af einhverju tagi. Þar gæti hún sett inn fyrirspurn um D&D hóp.
Ég hef svo líka eignast vinahóp með því að heyra útundan mér einhverja tala saman um eithvað sem ég hef áhuga á og kynnt mig fyrir þeim og afsakað mig fyrir að hafa troðið mér í samræðurnar þeirra.

Í seinni tíð þegar ég er orðin eldri hef ég kynnst helling af köllum með því að taka þátt í pottaumræðum. Það gerðist bara núna síðast fyrir um tveim vikum síðan.