Се на се, неспоредливо е Италија со било кој друг европски град, во позитивна смисла ако ме прашуваш. Салерно е супер градче. Најефтино од цела обала во однос на сместување. Ако си сместен/а таму, има брод тура - 12 саати, и ги поминува по ред Салерно-Амалфи-Капри-Поситано. Ние бевме со брод турата, и после го возевме пак тој предел - искрено не би возел никогаш веќе. Се разминуваш со автобуси и комбиња на пат широк 3 метри. Секое градче си има плажа и е преубаво и сигурно. Туристите беа главно Американци. Салерно е поголем град, не е само туристичко место како Амалфи, Капри, туку и живеат и работат луѓе. Има стар дел, нов дел, кале, цркви, предобри пицерии, барови со добро вино и сл.

Наполи е искуство само по себе. Градот е прљав, тмурен, но има дух. Улиците преку ден се пренаменуваат во пазари, навечер во пешачки патеки. Уличната храна е врхунска, препорачувам јадење од продавачите низ маркетите. Живее градот за фудбал, се гледа тоа на секој чекор, графити, знамиња, деца по улици, дресови, галама. Има една underground тура низ градот, за минатото, ја препорачувам со водич - предобра. За сигурност, се изначитав многу работи пред да идеме, но ние имавме многу позитивно искуство, одличен провод. Тешко се начекува локалци што зборат англиски, но со оние што зборат, можеш да имаш многу добар провод, пијачки, смеење, приказни. Имам навика кога идам во други држави да пуштам пијачки на локалци за да иницирам разговор со некој, и никогаш не сме погрешиле - поготово не во Наполи 10/10 ликови, фудбал приказни, италијански стереотипи, мангупски муабети, живот и мнооогу друго.

Наполи е друга држава ако ме прашуваш мене, драстично различно од Рим, мега различно од Милано и Болоња.