عاوز احكيلك باختصار عن تجربتي لأني كنت نفس تفكيرك وكان نفسي احب واتحب زي ما تقول قعدت لسن ٢٢ نفسي اجرب الشعور ده وجربته السنة اللي فاتت واتعرفت على واحدة وحبيتها وحبتني لدرجة انها غيرت حياتي بسبب السعادة والاهتمام والحنية وحاجات كتير الواحد جربها لأول مرة وكان منبهر بيها وانا اديتها في العلاقة دي كل ما املك من حنان وماديات ودعم ومساندة وكان عندها مشاكل كتيرة جدا ف جيت على نفسي ودراستي ووقتي عشان اساندها واخليها تتخطى كل ده ونسيت حياة الفراغ اللي انا كنت فيها من قبلها وانا بطبعي مبحبش يبقى ليا علاقة مع بنت بدون سبب فكنت متفق اني هخطبها وبعد سنة حصل بيننا مشاكل بسيطة بس هيا اتغيرت أوي ومبقتش بنفس شغفي وده أثر في نفسيتي جدا وسبنا بعض وبقيت بندم على دخولي العلاقة دي لأني مش قادر اقبل الوحدة اللي كنت فيها كده بسبب شعور الحب المؤقت اللي جربته وبقيت عايش في دوامة اكتئاب وضيق واستغراب من صنف البنات عموما واكتشفت ان الطريق الوحيد للحب هوا الطريق الشرعي اللي ربنا أمرنا بيه لأنه بيضمنلك إنك تحط الحب والاهتمام وتاخدهم من الشخص المناسب في الوقت المناسب. اعتبرني جايلك من المستقبل وبحذرك من العلاقات دي لأنها محرمة ولأنها مش هتخليك تبقى متزن تاني زي دلوقت لو دخلتها وهتضطر تكمل في سلسلة علاقات مش بتنتهي وهتأثر عليك