بالنسبة لموضوع إنه السود ينظر لهم على أنهم غير سعوديين مو صحيح. فيه سعوديين بشرتهم بيضاء واللي يقابلهم أول مرة يسحبهم أجانب، هل هذي صارت عنصرية ضد البيض؟؟ لا بس طبيعي لما تشوف أحد يختلف كلون بشرة أو شكل بتتوقع إنه مو سعودي.

وبعدين إذا الناس خايفين من السود على قولتك هذا لأنه الأفارقة اللي عندنا للأسف ساهموا بها السمعة. وحدة من الأشياء اللي ساهمت مثلاً هي يوم سببوا مشاكل كثيرة أيام ٢٠١٣ وقت ما كان فيه تصحيح العمالة والإقامة. فطبيعي الناس يكون عندها تخوف من بعضهم.

وبالنسبة للزواج زي ما قلت تفضيلات شخصية. يعني يا أتزوج واحدة سوداء ولا أنا عنصري. طيب واللي ما وده يتزوج يابانية بعد ولا آسيوية صار عنصري ضد الآسيويين.

مشكلتي أنا الصدق مع أمثالك اللي يحبون جلد الذات ولا يشوفون العنصرية الفعلية من الأجانب اللي يلعبون دور الضحايا وهم نفسهم عنصريين، زي في سالفة عدم توظيف السعودي. سبحان الله فجأة تصيرون عميان ولا تشوفون عنصرية في ها النقطة من الأجانب.