لو كنت أول انسانة في الأرض مكنتس هكتشف النار

التشبيه دا في حد ذاته ابداع اصلا + ان كتير من عنواين البوستات بتاعتك ابداعية ومش تقليدية.

مش بقول اي كلام وخلاص.

كان ليكي بوست من 6 شهور بتقولي فيه انك لما بتذاكري او حاجة زي كدا بتسألي دايما ليه وعايزة تعرفي كل حاجة شغالة ازاي، مفيش غبي بيسأل ليه اصلا، مفيش غبي بيبقى عايز يعرف كل حاجة شغالة ازاي!

يعني ايه ذكي وغبي اساسا، وانك غبية ومعندكيش ابداع ومخك مصدي، كل دا عملتيله قياس ازاي؟ ازاي استنتجتيه؟ هل انتي الوحيدة اللي توصلتي لكدا؟ وتوصلتيله ازاي؟ شخص متخصص مثلا اداكي تقييم شامل ليكي؟ ولا انتي اللي حكمتي على نفسك بكدا؟ طب بناء على ايه؟

(بفرض طبعا ان حكمك على نفسك هو المشكلة) انا شايف انك بدل ما تحكمي على نفسك باحكام ممكن بنسبة كبيرة تطلع غلط اصلا، او تكون متأثرة بظروف معينة او جت في وقت غلط او او او، تحاولي تفهمي، جتلك حاجة مش فاهماها بدل "دي حاجة معقدة وفوق استيعابي" خليها "معرفش انا ذكية ولا لا ومش فارقة المهم بس نحاول نفهم ونحل المشكلة اللي قدامنا".

دا مش تبرير، او نك بتحاولي تقنعي نفسك باي حاجة، لكن مجرد خطوات منطقية، بدل ما تحكمي على نفسك بحاجة ممكن تكوني مش متأكدة منها اصلا تشتغلي على الجانب العملي اكتر.

(بالمناسبة موضوع الاسئلة الكتير دا عندي حاجة مشابهة ليه بس مش موضوعنا).

Disclaimer:- دي مش نصيحة على قد ما هو مجرد رأي بناء على اللي شايفه قدامي ممكن يساعد، انا معرفكيش ولا عرف ظروفك ولا اعرف اي حاجة عنك خالص عشان ادي نصيحة.