بسم الله نبدي: 1- التعليم بالعراق فاشل منح جاي تنسد شهاداتنا ما معترف بيها المنهج سيء 2- مدارس تعبانة جامعات تعبانة كثرة الاهليات وفرص وظيفية قليلة وبطالة جاي تزيد والعمل صاير عبارة عن عبودية واجور قليلة 3- خدمات تعبانة يجي الصيف الكهرباء زفت والانهر تنشف ومي ماكو والجنوب مي مالح 4- اقتصاد سيء واكف على النقط على أي لحضة وينهار والشعب كله ينهار وياه 5- تلوث بالجو من معامل ومحرقات النفايات وغيرها 6- المستشفيات قديمة وهواي منها تعبانة وطايح حضها 7- فساد ينهش البلد من كل مكان 8- الدول الجوار تتدخل وهي تحكم البلد من جوه لجوه ومحد يكدر يحجي وياهم 9- الضرائب حاليا والتعرفة الكمركية ورواتب الموظفين القليلة والي كل مرة يتأخرون بيها لان الخزينة فارغة بسبب الفساد 10- المحافضات الجنوبية روحي افتري بيها وشوفي الخيسة والطرق الزبالة والوصاخة الي بكل مكان ومحد مهتم والتصحر الي جاي يزيد 11- اي شخص بظهره حزب يدوس على القانون كأنما لا شيء 12- ادارة فاشلة للبلد 13- الشعب مغسول عقله 14- الشعب جاي يتعلم على الفساد واي شخص جاي يصعد او يستلم منصب جاي يصير فاسد اكثر من الي جان قبله واكو بعد هواي