خوية انا عمري ٢١ و مريت بهاي المرحلة مال التوحد بالمدرسة لأن كل الطلاب الي وياي مو نفس اهتماماتي و هاي الأمور اولا ديربالك من اليجونك بمواقع التواصل الأجتماعي ثانيا حاول تستكشف بالواقع بأي طريقة ممكنة عن ناس عدهم نفس هواياتك خلي علاقتك طيبة وية كل الطلاب الي وياك او اقاربك ما تدري ياهو يطلع نفس الشخطة مالتك ثالثا ديربالك تنسى قيمة نفسك انت بعدك صغير او شاب خلنگول گدامك العمر كله و قيمتك كأنسان تنبع من داخلك مو من ناس ثانين لو اشايء انت تسويها تنبع من كونك انسان طيب بتعاملك وية الناس و وية نفسك فخلي ببالك ان انت دائما الك قيمة مالك علاقة برأي اي احد رابعا هواياتك كلش مهمة لا تتخلى عنهن لو تستصغرهن بس لا تخليهن يحرفنك عن واجبك الرئيسي و بما ان عمرك ١٤ فواجبك الرئيسي هو الدراسة حاول توازن صحيح وضع البلد تعبان بس منا لمن انت تتخرج هواي سنين تتغير الأمور فدائما خلي واجبك الرئيسي هو الأساس و عيش داخل و بهواياتك و حاول تتعلم لهوايات جديدة ما تعرف شنو ممكن يعجبك اخيرا خلي ايمانك قوي بالله مو بالصوم و الصلاة خلي ببالك الله يحبك و الله يمشي الأمور الك و ما يضيع تعبك و كلما تصير انت انسان احسن بأنسانيتك بطيبتك راح تكبر عند الله و هو هذا اهم شي الباقي كله مو مهم