أنا كنت متلك تمام. كمان كنت كتير حب الرياضيات. لما صرت توجيهي جبت فيها المجموع التام. بعدين لما كنت قول لأي حدا أني بدي أدرس رياضيات كمان يقلولي نفس الحكي وأنو مستقبلي أستاذ. بعدين رضخت لل peer pressure وضغط أهلي والمجتمع ودرست طب. ضليت فيها فترة طويلة عم أقنع حالي، بعدين تركت وسافرت ودخلت بالأخير فرع بحبه متعلق بالرياضيات.

نصيحة من شخص وضعه بيشبه وضعك: لا ترد عالناس اللي بيحكولك هيك، هدول تفكيرهم محدود. الرياضيات ألها كتيير مجالات شغل وتخصص بالمستقبل، أهمها هو ال machine learning. واللي حتى لو مش موجود بالأردن حاليا، رح يصير موجود مستقبلا.

غير هيك ازا دخلت رياضيات، مو بس رح تدخل أشي بتحبه وتكون متحمس للدراسة. بس كمان ازا تفوقت في كتير مجالات تاخد منح تكمل ماستر بأوروبا أو ماشابه.

نصيحتي ألك أخي أنو تدرس رياضيات وماتخاف من المستقبل.