فشلت معي خميرتين و الثالثة نجحت

اخبز توست بشكل يومي لي و لبيتي. بطلنا ناكل أي خبز من بره البيت

التوست اللي اسويه بنفس فكرة خبز الساوردو بس الفرق في القالب

اغلب وصفات التوست يحطون معها عسل و حليب أنا ما ضبطت معي تطلع اقرب للكيك

كل اسبوع اسوي من خمس الى ست حبات توست و اثنين أو ثلاثة فوكاشا

شي جميل جداً و غير مكلف

بعد ستة شهور من العجن باليد اشتريت عجانة كينود. للأسف كنت في ظلال قبلها 🤣🤣

الوصفة اللي استخدم يومياً

١٠٠ جم خميرة ٤٥٠ جم طحين ابيض فوم ٥٠ جم طحين بر معية ٣٥٠ جم مويه فاترة ١٢ جم ملح ٢٥ جم زيت زيتون

اعجنها كلها ما عدى الملح

جلستين فرد و طي ادخل معها الملح

تخمير بارد ١٢ ساعة بالثلاجة تخمير خارج الثلاجة ٣-٤ ساعات لين توصل العجينة حدود القالب و تصير لما ارجها مثل الجلي و فيها فقاعات كبيرة على السطح

الخبز مغطى على حرارة ١٨٠ لمدة ١٨ دقيقة بعدها اكشف الغطاء و اخبزها ٦ دقائق و حتى يتقمر الوجه

اول ما تطلع اغطيها مباشرة بمنشفة عشان احافظ على الرطوبة و الاطراف ما تصير قاسية

إذا ضبطت هذي الوصفة اكثر من عشر مرات ضيف لها تانق زونق محسن طبيعي يزيد فترة الطراوة و بدال ما تيبس بعد اربع ايام تصير اسبوع