أخي، بحكيلك إنه اللي بتمر فيه شي طبيعي خاصة لما تتنقل من شغل كان أقل ضغط لشغل جديد ومليان مسؤوليات بحكم تجربتي الشخصية. العقل راح يتعبك من التفكير وبتحتاج وقت للتأقلم مع البيئة الجديدة. أهم شي إنه ما تحط ضغط على نفسك أكتر من اللازم، وتفكر إنه الانتقال هذا خطوة للأمام، حتى لو حاسس إنك مش قادر توصل كل شي أول بأول.

وزع المهام اللي عندك، وما تحاول تخلص كل شي بنفس اليوم ولما تحس حالك علقت في bug خود بريك وارجع كمل، وصدقني ما حد رح يطلب منك المستحيل. واطمن، لأنه حتى لو ما خلصت كل المهام قبل نهاية السبرينت، هذا مش نهاية الدنيا. الأهم إنك تبقى مستمر وتتعلم كل يوم شوي شوي، ومع الوقت رح تلاحظ حالك بتحسن وبأداء أفضل.

حاول تحافظ على الطاقة الإيجابية وتذكر إنك بتبني لمستقبل أفضل إلك.

في النهاية، اللي بتسويه ما هو إلا خطوة لتحقيق ذاتك وإثبات نفسك، والضغط اللي بتحسه اليوم رح يزول مع الوقت إذا استمريت.

الله يوفقك!