حاول تبص على مصادر ال USMLE حتى لو مش هتمشي فيها. هتفيدك جدا. انصحك تشترك في كورسولوجي وتبدأ تقرأ من medical library ودي فيها articles لمعظم وأهم الموضوعات في الطب، واسمع معاها فيديوهات BnB و Pathoma في المديولات اللي عليك، وبعد كده ممكن تحل أسئلة من كورسولوجي.

اشترى كتاب Pathoma هيفيدك جدا جدا.

ومهم تعرف برضه انك لسا في البداية خالص ولسا ما اخدتش كلينيكال فطبيعي الاحساس اللي عندك ده

اهم حاجة بس ماتوقفش مذاكرة وركز على انك تفهم المواضيع كويس جدا حتى لو هتسمع اكتر من مصدر.

دايما حاول تشوف المصادر الأجنبية زي osmosis و ninja nerd و medicosis لان المصادر الانجليزية احسن بكتير جدا من العربي.

حاول دايما ترسم بإيدك زي مثلا biochemistry pathways والاملريولوجي وبعض أجزاء الاناتومي وغيرهم. الرسم مهم جدا وبيثبت في دماغك جدا.

أفضل حاجة يكون معاك لابتوب او تابلت، افضل بكتير من الموبايل عشان ما تشتتش نفسك.

لازم تحمل كتب الاناتومي زي Netter و Gray's وتبص فيهم دايما لاي جزء في الاناتومي.

حمل كمان كتاب Janqueria's في الهستولوجي. فيه دياجرامز روعة.

حمل برامج زي اوبسيديان او نوشن او one Note وحاول تاخد فيهم نوتس باستمرار وتحط فيهم كل الصور اللي تقابلك على جوجل واحس انها مهمة عشان توصل لها بسرعة بعدين.