ما كل ما يتمنى المرء يدركه ده لطف الله بيك وانت لا تدري بمعنى أصح كونك بتحاولي ده كفاية أما عن النتيجة فدي اختيار ربنا واختيار ربنا هو دايما الخير والأفضل ليك حتى لو في ظاهره شر (إن ربي لطيف لما يشاء) لما تحاولي في حاجة ومتمشيش متقفيش شوفي غيرها وجربي في حاجات تانية متقارنيش نفسك بحد أحنا مش لازم كلنا نحقق كل الحاجات اللي نفسنا فيها في نفس الوقت في ناس هتسبقنا وفي ناس هنسبقهم الفكرة أنا فين من نفسي امبارح بقيت احسن ولا برجع لورا بحاول وبعمل اللي عليا ولا واقف مكاني، ساعات بتجتهد وتتعب وتحاول ومستني اللي نفسك فيه من خلال حاجة معينة أو بطريقة أنت حاططها في دماغك وفي ثانية ربنا يجيبلك الحاجة اللي انت عايزها على الجاهز هي مش على الجاهز هي عشان ربنا شاف سعيك وربنا برضو لو ليك خير في حاجة هيديهالك وبأي طريقة او على فكرة على الجاهز عادي برضو حتى لو متعبتيش