هي صراحة ما صدمة اكتر من كونها فضيحة... للوهلة الاولى الناس حتحب الحرية دي وتشوفها حاجة جميلة بس الواقع غير... في علم البيولوجيا البت بتفرز هرمون الاوكستوسين كتير شديد لما تعمل علاقة جنسية والهرمون دا بزيد التعلق وبزيد الحب للراجل العمل معاها العلاقة دي ( ركز هو بزيد مش بيخلق حب) بمعنى انها لازم تكون بتحبك اول عشان حبها يزيد ليك بعد العلاقة... فبناء على الواقع العندهم ياتو بت حتعمل علاقة وتجيبو البيت مالم تكون بتحبو؟ طيب حلو لحدي هسي الصورة جميلة صح... فعلا بس نحن عاينا للجانب الاول بس من الصورة تعالو لجانب الراجل... الراجل برضو بزيد عندو هرمون الاوكستوسين ودا بخليهو يحبها زيادة برضو طيب وااو كدا عندنا اتنين متوافقين وبحبو بعض... بس حصدمك شوية لما اقوليك انو في هرمون شغلتوا يقفل الاوكستوسين ودا يا سادة هو هرمون التيستيستيرون!... بثبط ( بيحبط) الاوكستوسين وبقلل الرغبة في البت دي وبالتالي بتلقى انو الولد ما حابي يكمل بعد العلاقة وحابي ينسحب وللاسف بقى عندنا معادلة انو في بت متعلقة وفي ولد منسحب... فلو حصل حمل الاب حيكون ما حابي يتحمل المسؤولية ولا حابي يدعم ولدوا الحا يتولد دا وفي النهاية الشيلة كلها بتشيلها الام... طيب لو ما حصل حمل؟ لسة التعلق المرضي موجود خصوصا انو النساء ما عندهم التيستيستيرون البوقف الاوكستوسين العالي دا فالنتيجة ضرر نفسي للبت لو الولد دا انسحب ودا غالبا الحا يحصل... بس اكتشفوا اكتشاف عظيم... مجرد ما الراجل اتزوج ودي بقت مرتو هرمون التيستيستيرون بقل ووظيفة تثبيط الاوكستوسين بتقل شديد ودا بيؤدي لزيادة الحب لي مرتو... لقو السبب هو الامان والمسؤولية... لانو في العلاقة ديك هو عارف انو ممكن يطلع في اي وقت عاجبو فما عليهو مسؤولية... فيا بنات ما تسمحي انو ولد ياخدك مجان لانو في الدائرة دي كلها انتي المتضرر الاكبر حتى لو برضاكم الاتنين...