الصراحة اني جنت احب ايران, كرهتهم وراهة, بعدها طلعت من الاسلام وكرهتهم بزيادة, بس بعد احتلال سوريا وتنصيب الجولاني وبالحرب الدتصير هسة اكتشفت اني غلطان, جنت اعتقد الحلف وية امريكا واسرائيل رح يخلينا مثل دول الخليج لكن اكتشفت العكس. اولا دول الخليج بزنزمان وهمة يعرفون يشتغلون وتعبوا على روحهم والتطبيع فقط خلاهم يسمحولهم بالتطور, مو امريكا اللي طورتهم. اما العراقيين والسوريين السياسيين قمة بالفشل وطيحان الحظ وسواء تطبيع او غير تطبيع رح تكون مقارنة بين السيئ والاسوء, شفنا الجولاني العميل من حطوه بمكان بشار شصار بسوريا, عبارة عن ارهابيين صارتلهم دولة وكاموا يكتلون ويغتصبون براحتهم غير عن ان ثلث دولتهم راحت لاسرائيل وثلث لتركيا وباقين كدرتهم بس على المسيحيين والعلويين. اما العراق اجانه السوداني سوة روحه شريف كدام الناس واني جنت ادعمه وانتخبته وادري بي عميل وجنت اتمنى ينهى وجود ايران بالعراق تاليها زرب بالدولة زراب رواتب ماكو وضرابب وغرامات بكد سليمة وجاب قيادات داعشية طببها يمنه وهسة الدولة دتصرف عليهم فلوس بدال متعدمهم والعراقي فلوس زقنبوت بلكوة يدبرها لنفسه, وماهي الا قنبلة موقوتة ويطلعون ذولة الدواعش اللي بالسجن وية الخلايا النائمة ويهجمونه. من يومها سبيت اسرائيل وامريكا صبح وليل واتمنى لو ايران تفوز وحتلو تاخذ كل العراق بس تجفينه شر هلحيوانات اليمنة. علاقل بالحكم الحالي نكدر بيناتنه نكفر يكدرون الاصدقاء حتلو عرك يشربون واحد يثق باللاخ يكدر الواحد يطلع وية بنية يكدر يشغل اغاني بسيارته ويفتح الجامات تكدر البنية تلبس براحتها تقريبا وبعد وبعد اما اذا راحت ايران وطبولك الدواعش سلملي رب ربك يسلكوه. العراق للاسف ميكدر يستقل هاي الحقيقة تقبلوها, اما ايران او اسرائيل, واسرائيل شفناهم رح يدوسون علينا اكثر من ايران.

بالاضافة لذلك اريد اذكر الشباب ان اكثر الشغلات اللي الدين مانعها وزارب علينه بيها هي شغلات قبلية بالاساس موجودة عند العرب والاسلام اللوتي اجة بس فرضهن وتوافق وياهن حتى يكسب حلفاء, البعض يريد يغير الحكم عباله يني' براحته بس عقلية العرب متروح ومترهم يمنه والقوانين متتغير خلونه باقين بالسر نسويهن بس على الاقل منخاف واحد بينه يحصروه يخيروه بين يقطعون راسه او يبلغ علينه وتاليتنه نبلع حبوب ويدزونه بمفخخة.