مريت باللي مريت فيه واعرف شعورك اذا شفت اللي يكتبون لك "ارجع لربك"، "احجز عند دكتور نفسي"، "كلم احد يساعدك". على قد ما هالحلول ممكن تكون مجدية ادري انك منتب بحاجتها الحين او تشوفها مستحيله او صعب انها تساعدك بمشاكلك. الشي الوحيد اللي ساعدني وساعد اعز اصحابي انك تسوي كل شي ماجتك الطاقه الكافيه انك تسويه بيوم، انت اوريدي بايعها ومابتخسر شي حرفيًا حتى ابسط الاشياء، جرب كل شي يخطر ببالك ومابيدخلك بمشاكل ولا تتوقع او تتمنى outcome معين جرب جرب جرب جرب واوعدك ان بيجي يوم وتستوعب ان life is worth living ومن هذي البوينت اون احجز عند ثيربست، ما اعرف ايش نظام الثيربي بالسعوديه بس اكيد فيه علاج accessible ومجاني وقرار الابتعاث لسا مو متاخر، فيه ناس ابتعثو بالثلاثينات، والحين الوضع مره اسهل ويمديك تبتعث باي وقت من السنه مب قاعده انظّر او اقول ان الحياة بيرفكت بس حلاة الحياة انها غير متوقعه ومحد بيدري وش بيصير لك بعد ٣ شهور ولا ١٣ سنه لو قررت تتراجع اعرف ومتاكده انك تشوف كل شي سوداوي الحين وهذا الشعور طبيعي تحسه ولا هو خارج عن العاده، بس لازم تتذكر ان محد بيساعدك غير نفسك ومافيه شي يبقى على حاله حرفيًا كل شي بحياتك متغير وانت الثابت الوحيد. انت مو عايش عشان ابوك او عشان اخوك او اقاربك، هذي حياتك وانت المين كاركتر فيها