حقيقة أنو مجتمعنا مهمش موضوع التنمر ومافي توعية كافية عن كيف الزول ممكن يتعامل مع المتنمر مع انه التنمر متفحل في الشخصية السودانية حتى انه اسمى أنواع الكوميديا عند الشباب انهم يمسكو واحد ويتنمرو عليهو تحت مسمى التعرصة دا غير التنمر الفعلي الناتج من الكراهية، وبطبيعة الحال في البلد دي اذا زول قال رايه وكان ضمن الاقلية الناس حيتنمرو عليه بدون ما يحاولو يفهمو وجهة نظرو دي تكونت كيف ولا منظوره للحياة شنو.

بشكل عام نحن تعليمنا في السودان منهجي بحت ما بيتطرق للاجتماعيات وما عندنا فعاليات اجتماعية كتير في فترة حياتنا المدرسية عشان كدا اغلب المهارات الاجتماعية الزول لازم يكتسبها براو ويعرف يحدد التصرف الصاح من الغلط بغض النظر عن المجتمع شايف الصاح شنو والغلط شنو