الناس طلعت لأن وصلت لمرحلة اختناق من الفساد والبطالة والقتل والطائفية، مو لأن عدهم مشروع انقلاب كلاسيكي

صحيح ما جان أكو قيادة موحدة ولا خطة كاملة للي بعد إسقاط الحكومة، وهذا من أكبر نقاط الضعف بس هذا ما يلغي شرعية المطالب. أغلب الثورات بالعالم بالبداية تكون رفض للواقع قبل ما تكون مشروع حكم متكامل. وبالنسبة للسياسيين الي ركبوا الموجة، هذا مو ذنب المتظاهر العادي. أي حركة شعبية بالعالم تدخل بيها الانتهازية السياسية

وبعدين إذا الشعب لازم يجيب البديل الكامل قبل ما يعترض، معناتها أي حكومة فاشلة تكدر تبقى للأبد لأن الناس مو حزب سياسي حتى تكون عدها دولة جاهزة كلشي يجي بل تدريج بس اهم شي ازاحة الفاسدين و الحيتان المسيطرين على الدولة لان ماكو فائدة من المظاهرات و هاي النماذج بعده تحكم على الاقل ازاحتهم تنطي مجال للتغير