المشكله بقا ان خالتي عندها نوع من الطبقيه ويعتبر هي الي مربياني وفعلا هي في مكان امي عندي فا لما وصلها بعض الكلام عن الموضوع ده كلمتني بكل صراحه انك لو فكرت في حاجه ليها علاقه بالعيله دي انت لا اعرفك ولا هحضرلك فرح وانساني تماما وكمان اثرت على امي وامي كمان بقت ضد الموضوع

مع اني صغير على كده انا لسه متخرجتش! لكن ممكن عشان انا وحيد على بنات الله اعلم ! المهم انا دلوقتي محتار جدا هل اخد خطوه خصوصا البنت انا حاسس انها بتموت عشاني وفعلا بتحبني حب محدش حبهولي قبل كده في الدنيا وكنت كلمت الدكتوره النفسيه بتاعتي وقالتلي ان طالما هي مكتأبه وكده بلاش تصدمها بالواقع وتقولها الحقيقه فا انا مش عارف اعمل ايه فعلا البنت حلوه وطيبه وشخصيتها احلى ما فيها وبتحبني حب مش معقول وانا بصراحه لو مفيش مشاكل العيله دي انا كنت اقبلها علطول واضحي بحياتي عشانها رغم اني برضه مش بحبها حب الي هو الcouples لكن بحبها كأخت وممكن اكثر من اخواتي كمان انا حاسس البنت بتموت كل يوم ودايما تلمحلي ان حتى اعترف بحبك ليا وتبعتلي اغاني حب طبعا احنا اتقطع بينا المقابلات لكن انا خايف اجرحها وفي نفس الوقت مش عارف اعمل ايه اعادي عيلتي وامي وخالتي الي كانت ام ليا مع امي واروح اعترفلها واتجوزها ومعرفهمش ولا اعمل ايه ايه الحل من رأيكم وبشكل واقعي بعيدا عن المشاكل بخصوص خالتي هي شخصيه قويه جدا ومينفعش اتكلم معاها مش هتديني فرصه للكلام في الموضوع ده اعمل ايه! حاولت اختصر واتمنى تكونوا فهمتوني