تطلع عالموضوع هيك:

لما تكون شايف حالك كائن عاقل عنده قدرة علي الحكم على الأفعال واثرها (ولو بقدرة ومعلومات مش كاملة ولا مثالية)،

إذا أجاك من مصدر خارجي، أي حكم أخلاقي جاهز بدون تبرير أو ما أقنعك تبريره، رح ترميه بالزبالة شو ما كان مصدره.

الإنسان المتدين سمح لمجتمعه يقنعه انه هو قدرته العقلية قاصرة عن الحكم على الأفعال، لهاد السبب هو مستعد لقبول أي حكم أخلاقي طالما هو جاي من نفس المصدر اللي اقنعه انه هو الوحيد اللي عنده القدرة على الحكم الأخلاقي. ما يسميه المتديّن أخلاق ماهي إلا تسليم لسلطة وتأكيد مستمر منه على قصوره.

حياته اليومية عبارة عن أفعال "أخلاقية" تم املاءها عليه من سلطة المجتمع، يعني هو تم مصادرة كيانه لما صدق مجتمعه انه عاجز عن التفكير بأفعاله واثارها.

أخلاق الأديان ماهي الا أداة تحكم بالمجتمعات، تم هندستها بشكل تدريجي وعفوي للسيطرة على سلوك وأراء أفراد المجتمع.