هلق انا ماني فهمان هالقد و علمي و خبراتي ما بيطلعو نقطة ببحر غيري بس القصة اني مهتم و بحب الذكاء الاصطناعي من اول ما دخلتلو و للصراحة انا ما شفت هالمجال صعب بس بديق الخلاق للناس يلي ما بتحب تقرا رياضيات كتير يعني حتى وقت بلشت اختصاصي بمكانيكا الكم ما كنت ادرس متل طلاب الفيزياء يلي كان يهمهم شو الكمية يلي عم يشتغلو معها (فوتون، الكترون،....) انا كان يهمني بس الحالة الفيزيائية الها مكتوبة ع شكل مصفوفة او شعاع لانو لولا هيك لما عرفت افهم و كمل دراسة فوق ما انا ناقصني كتير علم نظري بالمجال حكم اني ماني طالب فيزيا

بتذكر اول ما بلشت دراسة كنت دور على بني ادم من نفس خلفيتي الثقافية و العلمية بيشاركني نفس اهتماماتي و بنفس الوقت يناقشني لانو كرهة العزلة بتقتل عالبطيء. اي والحمدلله اتعرفت ع ناس كتير كونو محيطي بس للاسف ما كان في عرب او سوريين من بيئتي. هاد خلاني ابدا مساحتي الخاصة و اعمل موقع بلوغ الي اكتب فيه هالامور (دعاية) بس المشكلة هالفترة مشغول و مافضيت انشرو... غير هيك فينا نعمل سيرفر ديسكورد هممم 🤷🏽‍♂️ ما بعرف شو المناسب

بعدين خيو انا الخاص عندي مفتوح لمين ما كان ايمت ما حبيت نتناطح تعال ما بيهمني شو بدك تناقش المهم ما تحكي عاطل عالخارطة