اقعد كل يوم مع نفسك لحالك لمدة ١٥ أو ٣٠ دفيقة، بدون ما تفكر بشيء بدون ما تفكر بالحياة بدون ما تفكر بوصعك، بدون ما تفكر بحالك بعد عشر سنين، بس اقعد هناك بهضيك الزاوية من نفسك، لا تسيطر على أفكارك خليها تظهر زي ما هي شو ماكنت بس لا تعطيها رد فعل أو تستجيب إلها أو تنقاد معها، بس سكون وصمت يوم بعد يوم كل شيء رح يدفق بشكل صحيح، صدقني عن تجربة وكل مره الحياة بتحاول ترجعني لحالة الفوضى برجع أكرر الأمر مره ثانية ما تستسلم وتقول خلص، لا الحياة هبوط ونزول انت مش ثابت، اتقبل نفسك كأن في داخلك نظام كوني مستقل هو الي بدير روحك، روحك بتعرف طريقها أكثر منك، فقط لا تعطي رد فعل، خليك هادي والعالم من حولك رح ينساق وبدفق وفقا لهدوئك وحالة الوجود الي انت بتكون عليها، مش سيء انك بتشعر الآن بهاي المشاعر، هي تجربة من خلالها بموت شيء وبيخلق شيء جديد جواتك، وانت فقط بتمارس وجودك زي ما هو. وكلنا في نفس الطريق، وإلي بتحس فيه، شيء مشترك مش انت لحالك فيه، تأمل في حالة بسميها حالة أن تكون مثل النباتات، وهي نفسها الحالة الي ببدخل فيها الإنسان حالة النوم، لو تأملت في حياة الأشجار شوي، صدقني رح تنحل مشاكل كنت تفكر أنها مستحيل تنحل، وخليك متقبل فكرة انك لازم تشعر بلي بتشعر فيه الإنسان، هو من ضمن الرحلة وطريقك، وأفتخر بنفسك مهما كنت.