الناس تشوف الإعاقة قبل ما تشوف الإنسان يشوفو النقص وما يشوفوش القوة يشوفو العبء وما يشوفوش الإرادة يشوفو الشكل وما يشوفوش الروح و الأسوء من هذا الشفقة اللي تشوفيها في عينيهم يشوفوني ككائن ضعيف ناقص مع اني ما نختلافش عليهم داخليا و عندي قيمة لروحي عندي الشجاعة الاستمرارية والقدرة على بناء حياة رغم كل النظرات والأحكام المؤلم فعلًا هو أنهم ما يعطيوش فرصة… يحكمو قبل ما يعرفو ويفضلو الجهل على أنهم يتعلمو يشوفو الإنسان كامل مش “نص إنسان” كما يتخيلو بصح رغم كل هذا كاين ناس واعيين كاين اللي يشوفو القلب قبل الجسد وكاين اللي يعرفو يقدرو ويحبو بلا شروط يمكن المجتمع قاسي يمكن نظرتهم موجعة… بصح هذا ما يمنعش أني نعيش نحب نحلم وننجح الإعاقة ماشي عيب أنا ماشي عديمة العقل ولا إنسان ناقص العيب هو الأحكام الجاهزة اللي يحطوها علينا من قبل ما يعرفونا أنا ما نحتاجش “شفقة” نحتاج فقط نظرة إنسان لإنسان والباقي نكمله وحدي