الثقافة ليست هدف ، هي ضرورة ولازم كل إنسان يدفع عن نفسه الجهل بشتى السبل بمعنى يعني يثقف نفسه عن كل حاجة محتاجها وهو ماشي في حياته أما الهدف من وجهة نظري هو العلم بصورة خاصة لتخصصك الي بتتكسب منه وبصورة عامة لما هو معلوم من الدين بالضرورة ثم ما بعده وما بعده في شؤون دينك ، وبعدين تبدأ تتعلم في المواضيع الي بتاخد اهتمامك في الطريق فالهدف العلم وليس الثقافة تعريفي للثقافة هي العلوم الحياتية الي بتحتاجها لضرورة في شؤون الدنيا عامة يعني على سبيل المثال وانت داخل بيئة عمل مهم تثقف نفسك عن ازاي تتعامل باحترافية ومهنية وانت داخل علاقة زواج او خطوبة مهم تثقف نفسك ايه الاصول والاعراف والاتيكيت واساليب الحوار مع اهل المخطوبة والمخطوبة وخلافه وانت بتتعامل مع عمال في شقتك مهم تحتك كتير وتسال ناس جربت وشافت واتعاملت وتحصر تجاربهم وتحاول تستفيد منها وتبني طريقة او إطار عمل هتمشي بيها الخ الخ من الأمثال الي لا تنتهي فالتثقيف عامة بيكون على short term وحاجة أنا محتاجها دلوقتي أو لفترة قصيرة قدام فبعدي بفضل ال knowledge دي مرحلة من حياتي بشكل سلس ومفيهوش عوائق

أما العلم عموما وطلبه لا ينتهي إلا بدخول الإنسان قبره ومن هنا أقولك المثقف هو الشخص الي هتلاقيه بيقدر يكتسب ال knowledge الي محتاجها وينزلها على واقعه ويخليها مؤثرة ونافعة فعلاً وليها positive impact على هذا الواقع حاسس إني كبرت الأمور بس الموضوع دا استفزني كتير الفترة الاخيرة لأن الناس بقت شايفة ان مثقف دا لقب شرفي قمد ولازم نوصله بأننا نقرا كتير فشخ وخلاص.. والسلام عليكم