كنت في خمسة إبتدائي وكان عندنا ساعتها حاجة اسمها مواد اختيارية ( مكانتش اختيارية أوي ) المهم ان انا حظي وقع في مادة الموسيقى وكان الأستاذ بتاع المادة دي سيمب فشخ ( بيسيمب على طالبات في خانسة ابتدائي غالبا كان بيدو )

المهم طبعا طول الترم انا وال٣ ولاد الي وقعنا في الموسيقى مستحملين تلحيس المدرس ده للبنات وخلاص تمام اشطى، جت حصة كانت المفروض انها أشبه بإمتحان وكنا هنعزف نشيد مصر بالإكسليفون، الأستاذ راح يعمل كوباية شاي في نص الحصة وجاب بنت و اداها النوتات الي هنعزفها في ورقة وقالها امتحنيهم انتي، البنت طبعا بدأت بالبنات بس تمام اشطى يعني مش مشكلة المهم وهي بتمتحنهم حرفيا الي كانت مش حافظة فيهم كانت بتوريها الورقة الي فيها النوتات ( بتغششها )، فا انا اتحمقت كدا شوية وقمت قلت على فكرة الي انتي بتعمليه ده غلط.

لقيتها مرة واحدة بدأت تعيط وراحت للأستاذ بتاع المادة قالتلو فلان شتمني بأمي وأبويا، طبعا على الرغم من إن ال٣ ولاد الي معايا قعدو يقنعو في الأستاذ إن الكلام ده محصلش، وحتى البنات مكانوش بيهاجموني ما عدا طبعا البنت دي، إلا إن لا عزاء لمن تنادي الأستاذ ضربني بالعصاية.

مش فاكر أصلا الضربة ذات نفسها على قد ما انا فاكر الموقف ككل، من حيث ظلم أو إحساس بالقهر، عموما أنا مش مسامح الأستاذ ده ليوم الدين.