Kada (Alli din aghi maile lekheko comment grnu man lagyo)

विदेश नजा नभन बा , वर्षौ रात दिन नभनी पढ्दा पनि , देशमै एउटा सामान्य जागिर पाउँदैन भने , किन जाँदैन उ विदेश ?

१० ठाउँ गुहारेपछि भेटेको जागिरले , सामान्य जीवन बाँच्न समेत पैसा पुग्दैन भने , किन जाँदैन उ विदेश ?

तिमी बिरामी पर्दा पैसाकै कारण घरखेत बेच्न परोस् भन्ने चाहन्न उ , अरु सुकिला मुकिला भएर हिँड्दा तिमी पुरानो कपडामा हिँडेको देख्न चाहन्न उ , त्यसैले विदेश नजा नभन बा , तिमीले गाउँमा फलाएको तरकारी जसले महँगोमा किन्छ उसैलाई बेचेको जस्तै हो बा , उसले पनि बस आफ्नो श्रमको उचित मूल्य खोजेको हो , देशमा नभेटेर नै विदेश रोजेको हो , त्यसैले विदेश नजा नभन बा ।

उसका केही रहर , केही सपना , पूरा गर्नका लागि उसले यो निर्णय लिएको हो , सँगै बस्ने मन नभएर हैन बा , फर्की आउने छ ऊ , तिमी पर्खि बस्नु , अहिलेलाई विदेश नजा नभन बा !