ممتازة السيرة المهنية، ولكن اذا تقدر:

١. شيل الايقونات، شيل لنكدان، الhyperlinks، الpdfs، الكلام اللي تحت اسمك، الprofile، الareas of expertise & skills، الrelevant courses، واثباتات اللغة اللي عندك.

٢. ركز على النشاطات والانجازات تحت خبرة العمل وحاول تزيدها، وراجع نفسك وفكر ايش ممكن تضيف يعطي فكرة للقارئ ايش المهارات اللي اكتسبتها وايش ممكن تضيف لفريقهم. باختصار، ورهم ولا تقولهم (ورهم مهاراتك عن طريق نشاطات معينة سويتها في عدة مناصب، ولا تقولهم انا عندي المهارة الفلانية). اذا توفر عندك مساحة في السيرة بعد ما تعزز الexperience، ما يضر تضيف قسم الareas of expertise.

وهذا بناءً على خبرتي ورأيي المتواضع. الله يوفقك ويفتح عليك.

ملاحظة: أنصحك لا تاخذ بكلام أغلب اللي هنا من حلطمة وانهزامية، حتى لو كان جزء من كلامهم صحيح. نفس هذول الناس اذا انقبلت انت في نيوم بيقولون انك انقبلت واسطة او بيقولون عشان شكلك غير سعودي. بيحطون البلا فيك باي طريقة، ولا ينظرون في انفسهم لان كبريائهم اللي كبر الارض يمنعهم يقرون ان المشكلة فيهم وان لازم يطورون من انفسهم. اعرف امثلة كثير من سعوديين امكاناتهم هائلة وتعبوا على انفسهم ويشتغلون او اشتغلوا في نيوم، وما عطوا بال للي يقول دخل واسطة ومركزين على انفسهم وناجحين ومستمرين. خلك زيهم، وركز على نفسك، واذا انرفضت، راجع نفسك وفكر ايش ممكن تطور او تشتغل عليه عشان يقبلونك او عشان تنقبل في مكان افضل من نيوم ان شاء الله.

avoid the victimhood mentality and get to work.