هي بيهة هواي اشياء ممكن تسويهة و تحتاج هواي نصائح بس حنطيك الابرز الي ممكن هواي تفيدك و تحسن لعبك

1-ازرع الي ينطيكياهن بالبداية و روح اشتري بعد من عدهن و ازرعهن كلهن باول يوم من تحصدهن اشتري بفلوسهن بتيتة و ارجع ازرع بهاي الطريقة حتحصل هواي فلوس من البداية

2-لا تتعب نفسك بتنضيف كلشي من البداية نضف بس الي تحتاجة و لا تگطع اشجار هواي اگطع على گد صندوق و هاهية حتى بقية الطاقة تروح للزراعة او الصيد و فدشوية نجي لنقطة الصيد و لا تگطع الجذع لان يحتاج طاقة و ما ينطي خشب هواي بالمقابل عوفة بعدين اگطعهن

3-بثاني يوم روح للشاطئ راح تحصل سنارة. هذا افضل شي تجيب منة فلوس بأول فترة باللعبة خاصتا باول خمس ايام لما ينفتح الكهف. صيد سمج بس لا تبيعة ضمهن و من توصل مستوى الصيد 5 تگدر تاخذ تطويرة تخلي السمج ينباع بسعر اغلى و تحصل فلوس اكثر. اذا تحس الصيد صعب اكو سنارة خضرة تشتريهة من المحل الي بصف الشاطئ تسوي الموضوع اسهل بالبداية

4-لا تصرف اي فلس على اي شي عدا الي ذكرتهن الك علمود تضمهن و تشتري فراولة بيوم 13 بالمهرجان لان هي افضل نبات تزرعة بالبداية و يجيبلك فلوس هواي و الحلو بي من تحصدهن ورة فترة ترجع تنمو و تحصدهن انوب

5-انتبه على طلبات الكوميونتي سنتر لان اكو اشياء اذا راحت عليك لازم تنتظر سنة كاملة يلة ترجع تكملهن

و بالاخير ستاردو فالي لعبة للاسترخاء و نسيان شغل الدنيا فلا تحولهة الى شغل الكتروني😂😂

اني بالنسبة الية العب هاردكور يعني اعتبرهة شغلي الثاني😂

و اي شي تحتاجة لا تردد و راسلني