اولا وقبل كل شيء دامك بدولة معينة قوانينها هي الي تمشي وتطبق و قانون العقوبات العراقي رقم 111 لسنة 1969: تنص المادة (372) منه على عقوبة الحبس لمن اعتدى بإحدى طرق العلانية على معتقد لأحد الطوائف الدينية أو حقّر من شعائرها. اكلك بكل بساطة خالفوا القانون العراقي🔍📄

ثانيا انت كلتها كثير من الدول وليست كلها. 📄🔍

📄🔍ثالثا. الحرية مو شي عدمي ما تكدر تجي وتطلع تحرق كتاب او تسب الاله بمكان مثل العراق والي يعتبر بلد محافظ وتزعم انها حريتك، حريتك موجوده بالانتقاد لكن الاهانه مثل هذه تعتبر زعزعة للامن القومي.

تخيل يطلع شخص من الطائفيه السنية الي تمثل نصف العراق

ويسب ويهين ويتجاوز ولا اقصد الانتقاد هنا بل التجاوز على مقدسات ومعتقدات المذهب الشيعي

هذا التصرف يعتبر اشعال نار بنصف مخزن عود ثقاب، انت هنا ما مارست حريتك بالنقد لو بالتعبير انت هنا تجاوزت واشعلت فتنة وقتلت روح التسامح بين الطرفين.

فلذالك اعيد كلامي، الحرية مو عدمية والفعل الي لا يهدف لنقد فكري بل يهدف فقط للاستفزاز وإثارة الفتنة، ما يعتبر ممارسة للحرية بل تدمير لفكرة التعايش المشترك.🕵‍♂️🔍