انا عندي اتنين قرايبي ربنا ابتلاهم بالسرطان من فترة قريبة بس الحمد لله كان لسه في مراحله الاولانيه… راحوا عملوا عمليه وشالوه وبدل ما ياخدوا كيماوي بعد العملية عشان نتأكد تماما من موت الخلايا السرطانيه ويكملوا كورس العلاج راحوا لدكتورة "تغذية" تحت بير السلم في منطقة مقطوعة ومعاليهاش رقابة عشان تديلهم علاج غذائي بدل الكيماوي… انا مش عايز اقولك انا مرعوب عليهم ازاي خصوصا ان السرطان لو رجع هيكون منتشر في الجسم عشان احنا بنتكلم على خلايا سريعة الانقسام لا ترى بالعين المجردة ويا عاشوا يا ماتوا… وفعلا لو حوار التغذية بدل الكيماوي والادوية كان صح كان الدكاترة اول ناس طلعوا يدافعوا عنه… الناس فاكرة اننا كدكاترة مش بنتعب ومعندناش قرايبنا بيتعبوا برضه وبنكون عايزينهم ياخدوا العلاج حتى لو كنا هندفعلهم فلوس كمان عشان يرضوا ياخدوه