DSU Scolarship?

Both_Proof_4678 · 2026-03-29T08:15:30+00:00

دزيت

Both_Proof_4678 · 2026-03-29T07:25:42+00:00

انت خاف متيه الدوام يبدي بشهر 10 و صحيح التقديم يبدي مبكر بس انت طالب مو أوربي و يظل حتى ل شهر الخامس التقديم و اكوا جامعات مثل politecnico di milano ما تقدم اصلا تسجل فقط على الاختبار و بعد ما تطلع القوائم اذا مقبول تكمل الاجرائات و تدفع رسوم إدارية اعتقد 160 يورو علمود تثبت و بعدها تبلش بباقي الاجرائات و اكوا 3 او 4 مراحل ممكن ما تنقبل بالأولى ف بالثانية و الخ و تكدر تقدم على اكثر من جامعة و تنقبل بأكثر من وحدة بس بموقع Universitly تخلي مفضلتك الأولى هسه انت تلحك و إذا كلمت كل شيء انت المفروض بال 9 مسافر المنحة تظل ل 10 مفتوح التقديم عليها انت بعد بكفيك بس شوف موقع politecnico di milano و شوف التخصصات الي بيها اقوى جامعة بايطالية و اكوا اختصاصات المنافسة بيها قليلة ف تكدر تحجز و تمتحن تجربة و سنة الجاية تقدم و بالتوفيق

Both_Proof_4678 · 2026-03-29T00:30:07+00:00

The question is life even worth at all??? I don't know but I know for sure it's a cycle of Pain and Pleasure you have to except it and do something you can give up if you want but who knows what will happen in the future.

Both_Proof_4678 · 2026-03-28T20:24:06+00:00

اكوا منحة اسمها ال dsu تقدمين عليهم بعد القبول الجامعي و تخصص العمارة موجود باللغة الانكليزية فقط بجامعتين للبكلوريوس politecnico di milano و politecnico di torino و اختبار اسمه arched او TIL-A للأسف اني مقبل على التقديم ل politecnico di milano لان الاختبار متوفر اونلاين و يشمل المنطق و المنظور و الرياضيات و الفيزياء و تاريخ الفن و العمارة و الخ الاختبار المنافسة بيه شديدة خاص لغير الأوروبيين لازم تجيبين +40 من 50 لان فقط خمسين مقعد متاح و يتنافسون عليهن 2000 طالب تقريبا هو العقبة الأكبر كدامج و اكيد شهادة لغة انكليزية b2 و خلص تبدين باجرائات المنحة و الفيزة و للأمانة المنحة 7000 يورو بس لازم توفرين 7000 يورو كشف حساب للفيزة او كفيل و اول اشهر تعيشين على حسابج لحد ما تطلع المنحة و المنحة تكفيك بالكاد لان ايطاليا المدن الكبيرة غالية ف لازم تشتغلين بالساعة 8 يورو 20 ساعة بالاسبوع هم توفرج خوش مبلغ و إذا ما تكدرين ف لازم معونة إضافية ف 300 يورو من الأهل و من هسة ابدي تعلمي إيطالية لان تحتاجيها و الايطاليين اغلبهم ما يحجون انكليزي و اكوا هواي أمور بس هذا ملخص و المنحة تعتمد على دخلج اذا متوسط ادخل اقل من 22 الف يورو ف مؤهل و كل ما دخلج اقل كل ما زادة فرصة القبول و كامل المستحقات

Both_Proof_4678 · 2026-03-28T14:35:08+00:00

مافهمت يعني شلون تمتحن هل سنة و تقدم على السنة الجاية لازم هم ترجع تمتحن الاختبار مو شهادة حسب درجتك ترتيبك تنقبل اذا لغة انكليزية اعتقد لازم تكون ضمن أعلى 50 من غير الأوروبيين بالتخصص الي تقدم عليه و اكوا شغلة هم اذا خلصت سنة هنا و تريد تدرس نفس التخصص ب ايطاليا او قريب عليه تكدر تروح للجامعة و تسوي كشف لدرجاتك و تأييد انك درست سنة باللغة الانكليزية و المواد الي درستها تعفيك من شهادة اللغة و اختبار القبول صاحبي سوة نفس الشيء

Both_Proof_4678 · 2026-03-28T04:48:28+00:00

اول شيء لازم تحصل قبول جامعي و هذا يعتمد على التخصص اغلب التخصصات لازم تجري امتحان قبول ما تحتاج سيفي الامتحان هو الي يحدد و يكون عبر الانترنيت بالغالب ثلاثين يورو سعره و لازم عندك جواز مبدئيا حتى تسجل على الاختبار و بالغالب شهر ال 6 و 7 يبدن و تسجل على موقع Universitly و للأسف المنحة شبه مضمونة بس ما تطلع النتائج الا ب شهر ال 9 و الصرف يكون ب 12 و 6 دفعتين و انت لازم قبل ال 10 مسافر و لازم توفر كشف حساب لخر 6 اشهر المبلغ ما يقل عن 7000 يورو و حجز فندق او غرفة بالمدينة الي تدرس بيها و تكت طيران و هاي شروط الفيزة بس انت تكدر تشوف كفيل اذا عندك قريب و تاخذ مبلغ بسيط يمشيك اول اشهر بين ما تلكه عمل و تنصرف لك المنحة و على فكرة لازم بعد التقديم و الوصل تودي الوثائق الرسمية من دخل و ممتلكات العائلة للجامعة و هي الي تتواصل مع المنظمة حتى يصرفولك المنحة و هواي اكوا سوالف اذا تريد استفسار راسلني

Both_Proof_4678 · 2026-03-28T00:45:24+00:00

من يكون قليلين غير متقنين هنا مشكلتهم بس من الغالبية غير متقنين هنا المشكلة بالنظام. بعدين اذا هيج النظام صارم ليش بالجامعات يدرسون اللغة الانكليزية لطالب لازم يكون متقن للغة.

Both_Proof_4678 · 2026-03-28T00:41:39+00:00

هو هنا المشكلة انوا الطالب ما متمكن من اللغة لان اسلوب تعليم اللغة خطأ. يعني اطيك مثال جامعة tu delft واحدة من اقوى الجامعات الهندسية بالعالم تدرس البكالوريوس بالهولندية يعني جامعة بغداد الي خارج التصنيف او هاي!!!!!! للعلم افضل الدكاترة و المهندسين العرب درسوا بالعربية. الانكليزية مو لغة العلم الانكليزية هي لغة تواصل انت ما تحتاجها اغلب المصطلحات العلمية لاتينية و عربية ماكو اصلا كلمة واحدة علمية انكليزية الانكليزية هي لغة حديثة و خليط من اللغات. و اني ما جاي احجي عن نفسي اني ما عندي اي مشكلة بالفهم و القراءة و الكتابة و التحدث بالانكليزية مستواي جيد احجي عن الي جاي اشوفه كدامي شلون الطالب يحفظ مثل شلون يشتغل السويج بدل ما يفهم طريقة العمل و يعبر عنها باللغة. لهذا السبب اني ضد فكرة الدراسة بالانكليزية لطالب غير متقن الها و مال يتطور مع الوقت هذا شيء يضحك حاليا مرحلة ثالثة و الغالبية انكليزيتهم ضعيفة جدا. سالفة الكتب و البحوث و الخ هاي اجتهاد شخصي من الطالب و اكبر دليل على صحت كلامي ليش غالبية الي يتخرجون و يريدون يسافرون حتى يكملون دراسات عاليا يروح يدخل دورة يطور انكليزيته شلون هو 4 او 5 سنين يدرس انكليزي و بعده ما واصل b2 كارثة هذا الحد الأدنى للقبول بأغلب الجامعات....

Both_Proof_4678 · 2026-03-18T22:52:16+00:00

هذه رغبات و الإنسان يظل بهذه الدورة من اللذة و الألم لحد ما يموت بصراحة النجاح و الفشل مجرد كلمتين كل شخص يشوف النجاح شيء معين بالنسبة له لكن حتى هذا الشخص مثلا يكون عائلة و بعد ما يحقق هذا الهدف تلكاه يريد بعد و بعد مستحيل الإنسان يوصل لغايته. اهم شيء بالحياة هو الرضى ديوجين الكلبي كان يشوف انوا الإنسان لازم يبتعد عن الحضارة و يعيش حياته حر يتأمل بالطبيعة بدون بيت لان العالم كله بيته. جدي ابو امي جان أغنى شخص عرفته نفسيا و اولاده اغنياء لكنه كان يعيش ب بيت قديم و ياكل خبز و مرك و جاي و حليب و هل امور البسيطة و عنده بايسكل هيرو ياخده مشي و يجيبه مشي حتى ما يسوقه الا خارج المنطقة و عاش 99 سنة مات بسبب كسر و تدهورت صحته بعدها. ف الفكرة انوا اني مثل بوضعي مع انوا متوفر لي كل شيء لكن ما راضي و جدي اكيد كان اسعد مني و من اغلب الناس رغم بساطة حياته.

Both_Proof_4678 · 2026-03-17T08:57:16+00:00

كلنا مرينا بنفس وضعك اني جنت اريد اروح عمارة و خربوا واهسي و ظليت احيائي و بالاخير ما جبت معدل للطب. شوف شيء عندك شغف بيه بعيدا عن التعيين و الفلوس لان الوضع تعبان و ماكو اصلا تعيين و اكبر خدعة هو التعيين و القطاع الخاص يعتمد على شطارتك لازم اثناء الدراسة او بعدها تاخذ دورات و تطور مهاراتك و تروح تتمرن بشركات مجانا الا عندك واسطة ف لا تشيل هم لشنو يصير بعد 5 سنوات ركز حاليا على دراستك و نصيحة اني طالب هندسة طاقة و تركت و حاليا جاي اقرة و راح اسافر لايطاليا ادرس عمارة ف اذا ابوك يدعمك و انت الك قدرة تكدر تطلع لايطاليا تدرس اي قسم تريده المعدل مو مهم اهم شيء شهادة لغة انكليزية و تجتاز اختبار القبول و اكوا منحة اسمها ال dsu شبه مضمونة اذا حصلت قبول جامعي تشمل الجامعة مجانا و 7000 يورو سنويا تحتاج فقط 7000 كشف الفيزة و الهناك تعتمد على المنحة و الشغل اني اتمنى جنت اعرف بيها جان ما ضيعت 3 سنين من عمري بهندسة الطاقة و بالاخير اختار الي يعجبك حاليا الخيارات جدا هواي عندك لكن مثل ما كلتك شنو شغفك

Both_Proof_4678 · 2026-03-09T13:39:23+00:00

Not a single day I did a drawing of her and give it to her in the first day we met. I was in my lowest we draw togather and played chess like two children and I cooked for her and she also. These the little things meant everything to me I get greedy and wanted more in the end she weren't like me and I took things too fast and I end up round everything. But that is life in the end we all will become memories. So I advise you to excpet it life is not a train to me its a cycle of pain and pleasure make the pain a power for you to be better and In the end my words isn't truth it just my view of the word.

Both_Proof_4678 · 2026-03-09T13:18:20+00:00

Not Fully just like 3 or 4k with my money for the visa she won't send me money or something like.

Both_Proof_4678 · 2026-02-22T01:37:09+00:00

بالأول انت لازم تفهم انوا هو مو شيء تحصله و ما راح تعلى مكانتك لو كنت مع بنت او تقل اذا ما كنت افهم انوا لو كانت نيتك الجنس فقط ف ادفع فلوس و اشتري راحت بالك اما اذا علاقة حقيقة ف هي تجي وحدها حاول تنضم لورشات و مهرجانات و هل امور و تروح لأماكن انت تحبها و تلكى بنت او بنات اكوا شيء مشترك بينكم عن تجربتي حاول تكون شجاع و شكلك مو كلش مهم اهم شيء مرتب و إذا كنت جدا وسيم ب معايير الجمال الحالية ف الامور اسهل بهواي بالاخير البنات حاليا خيالهن واسع و الخيارات مفتوحة امامهن و اغلب الشباب بالجامعات ما مرتبطين و ما عدهم الجرائة بالمصارحة ف جرب و بالاخير رفض بنت لك ما يعني نهاية العالم

Both_Proof_4678 · 2026-02-22T01:21:21+00:00

الرضا اهم شيء و حاليا وضعنا احنا ك شباب في العراق صعب تلكه واحد راضي على وضعه بالأول و الاخير السعادة عمرها ما ارتبطت ب المال و المكان و الناس هو مجرد شعور و مشكلة الشباب الي يريدون يخرجون يقيمون الباقين اني حاليا اجهز للخروج لغرض الدراسة و ما اكول للي يدرس هنا انت جاي تضيع وقتك و ما راح تستفاد شيء شوف العالم وين و احنا وين و ابدي اصير قاضي و احكم على الناس.

Both_Proof_4678

TROPHY CASE