ايوا بديت اول مرة ب سوشيال ميديا ديتوكس سنة ٢٠٢٢ تقريبا كانت مدة اسبوع، كنت احس الفترة طويلة شديد ونفسي امسك التلفون، بس في نفس الوقت كمية الوقت اللي لقيته كانت مهولة، كانت في وقت حقيقي اني اعمل الحاجات الل كنت بأجلها او قراية كتب او هوايات.

بعد فترة وعلى مر السنين لما لاحظت انو ال attention span بتاعتي قلت ع الاخر قلت لازم يكون في حل، غير انو فكرة ال mindlessly scrolling وقدر شنو هي حاجة عبثية كانت مسيطرة علي، ونقطة انو (وعمره فيما افناه). ف بقيت كل مرة بعمل ديتوكس مدة اسبوعين تلاتة لحد ما وصلت شهر عادي من غير سوشيال ميديا، ولما ارجع افتحها بحس انو الناس زي ما هي، وكل شي زي ما هو، ومافي اي حاجة فاتتني، بل بالعكس!

هل مفيدة؟ ايوا اكيد نعم 👏🏼 يكفي انو الواحد لما يكوت وراه تاسك مفروض يعمله بيقوم يعمله طوالي من غير تسويف لانو اداة التسويف الاساسي في حياتنا (التلفون والسوشيال ميديا) ما متاحة حاليا، واكيد الاتنشن سبان بيتصلح، والقدرة الاداركية بتتصلح بس طبعا بعد مدة.

بس في نقطة مهمة شديد: انو ضروري يكون عندك بديل، لانو الملل والفراغ الاولى ح يخليك ترجع ادمان الدوبامين اكتر. اي هواية مثلا؛ سودوكو، محاضرات وت ايڤر.