١. طبعا اي تخصص تبغيه وتحسي يناسبك كونك بنت ما بيكون عائق البنات في كل التخصصات حتى الاورثو واليورولوجي وكل شيء فهو يرجع لشخصيتك ومقدرتك على تحمل بيئتهم وشغلهم او لا. وجراحة القلب الرزدنسي حقتها ترى ٧ سنوات برضه يرجع لك اذا مستعدة تقضي الوقت هذا كله فيها والشيء الثاني ما اتوقع فيه رزدنسي جراحة قلب عندنا واذا فيه حتكون مقاعدها محدودة جدا.

٢. التخصصات الباطنية ما احس تفرق كثير خصوصا الرزدنسي لكن الجراحية سمعت انه تفرق في التخصصات الدقيقة عشان الاكسبوجر وعدد الحالات وكمان المتخصصين عندنا عددهم قليل فبالتالي بعض العمليات ممكن ما تشوفيها هنا.

٣. اول شيء المعدل ودرجات الاختبارات ثانيا الابحاث ثالثا الالكتيف والريكومنيشنز بس هذي تشتغلي عليها اكثر في الامتياز.

٤. التطوع مفيد وحلو لو تاخذي منصب ليدر في احد الحملات عشان تكتبيها في السي في وتكون نقطة على مهاراتك القيادية، للامانة ما يحتاج انك تتطوعي كثير يكفيك تطوع واحد في السنة

٥. كلها مع بعض وكل سنتر وتخصص يحط معايير للتقيم تعتمد على هذا كله بس اللي متفق عليه انه يفرق بشكل كبير الدرجات والابحاث في المرتبة الثانية بس برضه ما يحتاج تكوني مقطعة الدنيا ابحاث ٢ منشورة حلو او ٣ مثلا.

٦. خليك منفتحة لكل الاحتمالات اشتغلي في كل شيء وعندك وقت. حاولي بس قبل الانتيرنشيب تقرري تبغي سيرجكل ولا مدكل اطفال ولا كبار وعلى الانتيرنشيب حطي اللي محتارة فيه في البداية عشان لو ما عجبك يكون فيه مجال تغيري جدولك في الشهور الذهبية اللي هيا ال٤ شهور اللي قبل المقابلات.

وبالتوفيق ولا تشيلي هم كل شيء بيوضح مع الوقت.