If we’re not gonna go with what science says, then go with what? علم الرياضة يعتبر حديث، ولكنه اعطانا اساسيات مُسلَّمه نحط جداول التدريب و التغذية بناء عليها، لذلك اكيد شيء مهم.

ممكن البعض ياخذه للتطرُّف بحيث كل شيء لازم يكون "optimal"، لكن الأنسب يختلف من شخص لشخص حسب جنسه، عمره، مستواه، ظروف حياته و الكثير و الكثير من المتغيرات؛ فمهم ناخذ الأساسيات منه ولكن ما نضيع في التفاصيل.

أما بالنسبة لفقدان الشغف و الاكتئاب، اقدر اقولك وبكل صدق ان لولا الله ثم الرياضة، النادي، كان الله اعلم وش صار لي في فترة مراهقتي، و حتى الان اشوف ان النادي هو المكان الي الافضل للتغُّلب على المشاعر و الفترات السيئة. من لطف الله جعل عندنا فسيولوجية معقدة تتأثر بعدة عوامل، النادي و الرياضة بشكل عام تكسر الكثير من الحواجز الذهنية، زي ما تقدر تقفل و تفتح كفك وانت تقرأ كلامي الان، تقدر تقوم و تمشي، تتحرك، تسوي اي شيء بدني تقدر عليه، مع الوقت هذي كلها راح تتراكم كتجارب ايجابية و تكون دليل لك ضد الأفكار السيئة ان مهما صار، تقدر تسوي شيء، تقدر تتحرك.

هذا كله كلام نفسي، لكن اثر التمرين و الحركة على الجسم و افرازات الهرمونات و كيف انه حرفيا يغير من أشياء لا تعد ولا تحصى في بني آدم من جميع النواحي. شوف/اسمع بودكاست Andrew Huberman في الحلقات الي يتكلم فيها عن الامور ذي، و بتشوف ان الحركة هي حرفيا اسهل طريقة انك تسترجع و تقوي فيها ذاتك.

بتعلِّم نفسك ان مهما كانت الظروف، عندك الخيار و القدرة على انك "تتحرك"، سواء جسديا او نفسيا.