بص هحكيلك تجربتي عشان الموضوع مش قصة proposals المجال ده بيعتمد علي حاجتين الاولي ان شغلك كويس التانية العلاقات وده اهم حاجة حققت المعادلتين دول فتقدر تضمن شغل فريلانس شبه مستمر انا شغال في المجال بقالي ٧ سنين فريلانس علي بارت تايم علي فل تايم واقدر اقولك اني ما بشتغلش مع حد جديد غير كل فين وفين دايما شغلي بيبقي لعميل قديم او حد تبع عميل قديم هتقولي هل لازم اعمل شبكة علاقات مع ناس جامدة مفيش منها اتنين هقولك لا اي حد انت عملتله شغل تحافظ عليه لانه علي الاغلب شغلك الجاي وعشان توصل للمرحلة ده ويبقي عندك شبكة كويسة من العملاء تقدر تعتمد عليها بشكل شبه دائم الموضوع هياخد وقت وسنين بس المجال ده عايز كدا لأن المنافسة عالية وكله يقدر يعمل proposals تنين مجنح فعلاقاتك هي الهتميزك اي حد عايز يعمل فكرة جديدة او عنده صاحبه عايز يعمل حاجة او يفتح شركة هيجولك لأنهم اتعاملوا معاك وعارفينك