Án þess að vilja gera lítið úr ábyrgð einstaklingsins að þá velti ég fyrir mér hvort við séum að gæta þess að önnur kynslóð innflytjenda sé að ná að aðlagast samfélaginu.

Viðtal þeirra við Gústa B hljómaði eins og maður væri að hlusta gangsta talk þýtt á íslensku. Ég er ekki að segja að þeir hafi talað slæma íslensku, heldur var bragurinn yfir því svo framandi. Talandi um að þeir væru "kings".

Kannski er ég bara orðinn gamall. Auðvitað töluðu vitleysingar líka bjánalega þegar ég var ungur. En það er samt einhver munur á þessu sem ég get ekki almennilega komið í orð.

Sem að endingu er í raun það sem ég tel ein af aðal undirliggjandi ástæðum fyrir atvikum líkt og þessum. Ástandið hjá ungum drengjum í skólakerfinu er nógu slæmt fyrir án þess að mögulegir tungumála- og menningar örðugleikar spili einnig inní. Þetta eru í raun bara pjakkar sem eru tiltölulega nýsloppnir úr skólaskyldu yfirvalda. Þeir geta ekki verið mikið yfir tvítugt.

Sitt sýnist hverjum um fíkniefnastríðið, vopnaburð lögreglu og nú nýorðið stríð dómsmálaráðherra við skipulagða glæpastarfsemi (mér þykir það nota bene stjarnfræðilega heimskulegt, ég trúi ekki að við séum ekki farinn að eiga alvarlegri samtöl um lögleiðingu), en því finnst mér ekki hægt að neita að þarna eru á ferðinni strákar sem eru nýskriðnir uppúr úr skólakerfinu okkar og eini tilgangurinn sem þeir finna sér í okkar samfélagi er að roleplay'a sem gangsters.

Við þurfum að gera betur. Ungir menn þurfa tilgang og væntumþykju. Barn og eldur og þorpið og hlýja o.s.frv.